విద్యుత్ లైన్లకు దూరంగా ఖాళీ ప్రదేశాల్లో మాత్రమే పతంగులు ఎగరవేయాలి..

విద్యుత్ లైన్ల కు దూరంగా ఖాళీ ప్రదేశాల్లో మాత్రమే పతంగులు ఎగరవేయాలని, ములుగు జిల్లా ఎన్పీడీసీఎల్ డివిజనల్ ఇంజనీర్ (డి ఈ) పులుసు నాగేశ్వరరావు బుధవారం ఓ ప్రకటనలో తెలిపారు. ఈ సందర్భంగా ఎన్పీడీసీఎల్ డి ఈ పులుసం నాగేశ్వరరావు మాట్లాడుతూ.. సంక్రాతి  పండుగ సందర్భాంగా  పిల్లలు, పెద్దలు సంతోషంగా పతంగులు ఎగురవేయడం తెలంగాణలో ఒక సాంప్రదాయకంగా  వస్తున్నదని, ప్రజలు సురక్షిత ప్రాంతాల్లో పతంగులు ఎగురవేయడం శ్రేయస్కరమన్నారు. ఒక వేళ విద్యుత్ లైన్ల వద్ద, ట్రాన్స్ ఫార్మర్ల వద్ద పతంగులు ఎగురవేసినట్లయితే, ఆ  పతంగుల మాంజాలు విద్యుత్ లైన్లపై, ట్రాన్సఫార్మర్లపై పడి ప్రమాదాలు జరిగే  అవకాశం ఉన్నదని, అందువల్ల  విద్యుత్ లైన్లు లేని బహిరంగ ప్రదేశాల్లో మాత్రమే ఎగరవేసి పండుగను ఆనందంగా జరుపుకోవాలని కోరారు. ప్రజలు పలు  జాగ్రత్తలు పాటిస్తూ పతంగులు ఎగురవేసి తమ పండుగను మరింత సంతోషమయం  చేసుకోగలరని  విద్యుత్ వినియోగదారులను  కోరుతున్నామని అన్నారు. విద్యుత్ లైన్ల వద్ద, ట్రాన్సఫార్మర్లు, సబ్ స్టేషన్ల వద్ద ఎగురవేయడం, అత్యంత ప్రమాదకరం అని, ఒక వేళ పతంగులు కానీ, మాంజాలు కానీ విద్యుత్ లైన్ల పై, ఇతర విద్యుత్ పరికరాలపై పడితే విద్యుత్ సరఫరాలో అంతరాయం తో పాటు ప్రమాదాలు జరిగే అవకాశాలున్నాయని తెలిపారు. దారాలతో ఉన్న పతంగులే తప్ప “చైనా మాంజాలతో” కూడిన వాటిని అస్సలే వాడొద్దన్నారు. మాంజాదారం తో ప్రమాదం పొంచి ఉన్నదని  కరెంటు తీగలకు తాకితే అస్సలేతెగవు పైగా లైన్లు బ్రేక్ డౌన్ అయ్యే అవకాశముందన్నారు. మాంజాదారాలతో పక్షులతో పాటు, మనుషులకు కూడా గాయాలు అయ్యే ప్రమాదం ఉందన్నారు.   గాలిపటం ఎగురవేస్తూ కరెంటు తీగలకు చుట్టుకుంటే దాన్ని లాగుతూ లేదా, కర్ర సహాయంతో లేదా ఇనుప పైపులాంటి వాటితో తొలగించే ప్రయత్నం ఎట్టి పరిస్థితిల్లో  చేయరాదన్నారు. పతంగులు కానీ, మాంజాలు కానీ విద్యుత్ లైన్లపై, ఇతర విద్యుత్ పరికరాలపై పడ్డప్పుడు, వాటిని వదిలేయాలని తెలిపారు. ఒక వేళ వాటిని పట్టుకొని లాగినప్పుడు విద్యుత్ తీగలు ఒక దానికొకటి రాసుకుని విద్యుత్ ప్రమాదం జరిగే అవకాశం ఉందన్నారు. తల్లిదండ్రులు తమ పిల్లలు పతంగులు ఎగురవేసేటప్పుడు తప్పకుండ గమనించలాన్నారు. పిల్లలు తెగిన, కింద పడ్డ విద్యుత్ వైర్లను తాకనివ్వొద్దని, ఒక వేళ విద్యుత్ వైర్లపై, విద్యుత్ పరికరాలపై పతంగులు, మాంజాలు  తెగి పడ్డట్లు ఉంటే, విద్యుత్ వైర్లు తెగి రోడ్డుపై పడ్డట్టు వున్నా, వాటిని తాకకుండా వెంటనే విద్యుత్ శాఖ వారి 1912 టోల్ ఫ్రీ  నంబర్ కు  గాని లేదా సమీప విద్యుత్ కార్యాలయానికి తెలుపరచగలరని వివరించారు. జాగ్రత్తగా  పతంగులు ఎగరవేస్తూ, విద్యుత్ శాఖకు కు సహకరించాలన్నారు.వినియోగదారుల శ్రేయస్సు  కొరకు ఆహర్నిశలు విద్యుత్ శాఖ నిబ్బద్దత్థో పనిచేస్తున్నామని పేర్కొన్నారు.