సీఎం రేవంత్ రెడ్డికి లక్ష ఉత్తరాలు..

ధర్మ సమాజ పార్టీ కాడ ఉద్యమంలో భాగంగా తెలంగాణ ముఖ్యమంత్రి రేవంత్ రెడ్డికి లక్ష ఉత్తరాలు రాసినట్లు జిల్లా కన్వీనర్ బోలెశ్వర్ తెలిపారు. ఈ సందర్భంగా ఆయన మాట్లాడుతూ ధర్మ సమాజ్ పార్టీ, తెలంగాణ బీసీ, ఎస్సీ, ఎస్టీ  రాజ్యాధికార సాధన జేఏసీ ఆధ్వర్యంలో పోస్ట్ కార్డు ఉద్యమంలో భాగంగా బుధవారం కామారెడ్డి జిల్లా కమిటీ ఆద్వర్యంలో ముఖ్యమంత్రి రేవంత్ రెడ్డికి 03  డిమాండ్లతో కూడిన ఉత్తరాన్ని పోస్టు చేస్తున్నట్లు తెలిపారు. ధర్మ నమాజ్ పార్టీ జిల్లా కమిటీ ఆద్వర్యంలో జిల్లా కలెక్టర్ కార్యాలయ ఏవో కు విజ్ఞాపన పత్రం అందచేయడం జరిగిందన్నారు.  భారతదేశ సమస్తాన్ని అధిశాసన రూపంలో నడిపించే సుప్రీం పవర్ భారత రాజ్యాంగం అందరికీ తెలిసిన విషయమే, అందుకని భారత గణతంత్ర దినోత్సవం – భారత రాజ్యాంగ అమలు దినం ఐన  రిపబ్లిక్ డే రోజు జనవరి 26 న జాతీయ జెండా వద్ద భారత రాజ్యాంగ గ్రంథాన్ని, దాని రూపశిల్పి డా. అంబేడ్కర్ చిత్రపటాన్ని అక్కడ ఏర్పాటు చేయాలని, ప్రతిరోజూ విద్యా సంస్థలలో విద్యార్థులు చదివే ప్రార్ధన లా భారత రాజ్యాంగ పీఠికను ప్రతిజ్ఞగా చదివించేలాగ ముఖ్యమంత్రి రేవంత్ రెడ్డి ప్రభుత్వ సంస్థలను, ప్రభుత్వేతర సంస్థలను కూడా ఆదేశించాలని డిమాండ్ చేస్తూ లేఖను రాస్తున్నామన్నారు. త్వరగా జీవోను అమలు చేసేలా కృషి చేయాలని  ఆశిస్తున్నామన్నారు. ఈ కార్యక్రమంలో జిల్లా నాయకులు అరవింద్, పర్శరాములు, ప్రభాకర్ , స్వామి, తదితరులు పాల్గొన్నారు.