– సందర్శించిన సీపీఐ(ఎం) నేతలు
నవతెలంగాణ-కంఠేశ్వర్‌
బుధవారం రాత్రి కురిసిన భారీ వర్షానికి నిజామాబాద్‌ నగరంలోని దుబ్బా ప్రాంతంలో నిరుపేదలు వేసుకున్న గుడిసెలు నీట మునిగాయి. ఈ భూపోరాట కేంద్రాన్ని సీపీఐ(ఎం) జిల్లా కార్యదర్శివర్గ సభ్యులు మల్యాల గోవర్ధన్‌, జిల్లా కమిటీ సభ్యులు బెజగం సుజాత గురువారం సందర్శించారు. నీటిని తొలగించేందుకు సహాయక కార్యక్రమంలో పాల్గొన్నారు. ఇండ్ల బాధితులను పరామర్శించి మనోధైర్యాన్ని కల్పించారు. నీరు వచ్చిందని.. ఈ స్థలాలను విడిచేది లేదని, పోరాటాన్ని రెట్టింపు ఉత్సాహంతో ఉధృతం చేస్తామని పేదలు స్పష్టం చేశారు. అధికారులు స్పందించి సహాయక చర్యలు చేపట్టాలని, తాగునీరు కరెంటు తదితర మౌలిక వసతులు కల్పించాలని డిమాండ్‌ చేశారు. వారి వెంట ఇండ్ల స్థలాల సాధన పోరాట కమిటీ నాయకులు కళావతి, భాస్కర్‌, రాజు, అంజయ్య తదితరులు ఉన్నారు.
