హీరో విశ్వక్‌సేన్‌ తన అప్‌ కమింగ్‌ సినిమా ‘లైలా’లో అందరినీ సర్‌ప్రైజ్‌ చేయబోతున్నారు. ‘లైలా’ వంటి యూనిక్‌ క్యారెక్టర్‌లో అబ్బాయి, అమ్మాయిగా రెండింటినీ పోషించి తన వెర్సటాలిటీ చూపించబోతున్నారు. ఈ చిత్రానికి రామ్‌ నారాయణ్‌ దర్శకుడు. ఈ రొమాంటిక్‌ యాక్షన్‌ ఎంటర్‌టైనర్‌ని షైన్‌ స్క్రీన్స్‌పై సాహు గారపాటి నిర్మిస్తున్నారు. క్రిస్మస్‌ సందర్భంగా మేకర్స్‌ మూవీ ఫస్ట్‌ లుక్‌ పోస్టర్‌ను రిలీజ్‌ చేశారు. ఇందులో విశ్వక్‌సేన్‌ అద్భుతమైన స్టైలిష్‌, రిచ్‌ అవతార్‌లో కనిపించారు. అతని బోల్డ్‌ ఎక్స్‌ప్రెషన్స్‌ పాత్ర కాంప్లెసిటీ మల్టీ-డైమెన్షనల్‌ నేచర్‌ని సూచిస్తూ, చాలా ఇంపాక్ట్‌ క్రియేట్‌ చేసింది. ఈ చిత్రంలో అమ్మాయి పాత్రను పోషించడానికి ఆయన బ్యూటీఫుల్‌గా మేక్‌ఓవర్‌ అయ్యారు. ఇందులో చాలా వేరియేషన్స్‌ చూపించబోతున్నారు. ఆకాంక్ష శర్మ కథానాయికగా అరంగేట్రం చేస్తోంది. ఫిబ్రవరి 14.. ప్రేమికుల రోజున ప్రపంచవ్యాప్తంగా ఈ సినిమా విడుదల కానుంది. ‘ఇప్పటివరకు విశ్వక్‌సేన్‌ చేసిన చిత్రాలతో పోలిస్తే ఇదొక డిఫరెంట్‌ సినిమా. అలాగే పాత్రల పరంగా కూడా ఆయనొక యూనిక్‌ క్యారెక్టర్‌ని చేయబోతున్నారు. ఈ పాత్ర ప్రేక్షకులకు సరికొత్త అనుభూతినిస్తుందని కచ్చితంగా చెప్పగలం’ అని మేకర్స్‌ అన్నారు. ఈ చిత్రానికి రైటర్‌: వాసుదేవ మూర్తి, సంగీతం: లియోన్‌ జేమ్స్‌, సినిమాటోగ్రాఫర్‌: రిచర్డ్‌ ప్రసాద్‌, ఆర్ట్‌ డైరెక్టర్‌: బ్రహ్మ కడలి.
