అనంతారం గ్రామంలో  విద్యార్థులకు న్యాయ విజ్ఞాన సదస్సు..

నవతెలంగాణ-భువనగిరి కలెక్టరేట్ : భువనగిరి మండలంలోని అనంతారం  గ్రామంలో గల జిల్లా న్యాయ సేవ అధికార సంస్థ, మహాత్మా జ్యోతిబ ఫూలే తెలంగాణ బి. సి వెల్ఫేర్ స్కూల్ ఆఫ్ ఎక్సలెన్స్ సంయుక్త ఆధ్వర్యంలో  విద్యార్థులకు న్యాయ విజ్ఞాన సదస్సు నిర్వహించారు. ఈ కార్యక్రమానికి ముఖ్యఅతిథిగా జిల్లా న్యాయ సేవ అధికార సంస్థ కార్యదర్శి వి మాధవిలత హాజరై, విద్యార్థులకు బాలల హక్కులు, లీగల్ సర్వీసెస్ యూనిట్ చిల్డ్రన్, మాదక ద్రవ్యాల వలన దుష్పలితాలు సంబంధిత చట్టాలపై అవగాహన కల్పించారు.  ఉపాధ్యాయిని, ఉపాధ్యాయులకు పి ఒ ఎస్ హెచ్ చట్టంపై సిబ్బందికి అవగాహన, పాఠశాలలో వసతులు, భోజనము పరిశీలించి సంతృప్తి వ్యక్తం చేశారు. జిల్లావ్యాప్తంగా పారా లీగల్ వాలంటరీల సేవలను సమీక్షించి,  తగు సూచనలు చేశారు.ఈ కార్యక్రమంలో ప్రిన్సిపల్  శ్రీనివాస్,   సిబ్బంది , విద్యార్థులు పాల్గొన్నారు.