తరచూ మౌత్‌ వాష్‌లను కొనుగోలు చేయాలంటే కాస్త ఇబ్బందికరమైన విషయంగానే చెప్పొచ్చు. ముఖ్యంగా మార్కెట్లో లభించే మౌత్‌ వాష్‌లు కాస్త ధర ఎక్కువగానే ఉంటాయి. అయితే మౌత్‌ వాష్‌లు అంటే మార్కెట్లో ఎక్కువ ధరకు లభించేవి మాత్రమే కాదు, ఇంట్లో లభించే సహజ వస్తువులు కూడా మౌత్‌ వాష్‌లుగా ఉపయోగపడుతాయి. వాటికి సంబంధించి కొన్ని వివరాలు….
సాధారణంగా చలికాలంలో దంతాలు సెన్సిటివ్‌గా మారుతాయి. ఇలాంటి సమయంలో సాల్ట్‌, బేకింగ్‌ సోడాతో చేసిన మౌత్‌ వాష్‌లు బాగా ఉపయోగపడతాయి. ఇందుకోసం ఒక గ్లాస్‌ నీటిలో అర చెందా ఉప్పు, అర చెంచా బేకింగ్‌ సోడా వేసి కలపాలి. దీంతో నోటిని శుభ్రం చేసుకుంటే నోరు శుభ్రంగా ఉంటుంది. ఇంది మంచి యాంటీ బ్యాక్టిరీయల్‌గా పనిచేస్తుంది.
పంటి నొప్పితో బాధపడే వారికి ఉప్పు నీరు మంచి ఔషధం. ఉప్పులోని సోడియం ఇన్ఫెక్షన్‌తో పోరాడుతుంది. టేబుల్‌ స్పూన్‌ ఉప్పును గ్లాస్‌ నీటిలో కలిపి పుకిలిస్తే నోరు పంటి నొప్పికి చెక్‌ పెట్టొచ్చు.
నోటి దుర్వాసన సమస్యతో బాధపడే వారికి కొబ్బరి నూనె బెస్ట్‌ ఆప్షన్‌గా చెప్పొచ్చు. కొబ్బరి నూనె నోటి సంరక్షణలో ముఖ్యపాత్ర పోషిస్తుంది. ప్యూర్‌ కొబ్బరి నూనెను నీటిలో కలుపుకొని నోట్లో వేసుకొని పదిహేను నిమిషాలు పుక్కిలించాలి. ఇలా చేస్తే నోటి దుర్వాసనకు చెక్‌ పెట్టొచ్చు.
ఇక నోటి పూతతో బాధపడే వారు పసుపుతో చేసిని మౌత్‌ వాష్‌ను ఉపయోగిస్తే మంచి ఫలితం ఉంటుంది. నోటి పూత, మౌత్‌ అల్సర్‌ వంటి సమస్యలు దూరమవుతాయి. చిగుళ్ల వాపును తగ్గించడంలో ఉపయోగపడుతుంది. ఈ మౌత్‌ వాష్‌ను తయారు చేసుకోవడానికి 4 లవంగాలను కప్పు నీటిలో నానబెట్టాలి, దానిలో కొంచెం పసుపు, అర టేబుల్‌ స్పూన్‌ బేకింగ్‌ సోడా వేసి కలపాలి. దీనిని నోట్లో వేసుకొని పుక్కిలించాలి.
