హీరో విశాల్‌ ఇటీవల ‘మద గజ రాజా’ చిత్రంతో సంచలన విజయం సాధించారు. సుందర్‌.సి దర్శకత్వంలో జెమినీ ఫిలిం సర్క్యూట్‌ నిర్మాణంలో సంక్రాంతి సందర్భంగా తమిళంలో విడుదలైన ఈ చిత్రం బ్లాక్‌బస్టర్‌ విజయాన్ని సొంతం చేసుకుంది. అంతేకాదు రూ.50 కోట్లకు పైగా వసూలు చేసి, సంక్రాంతికి విడుదలైన తమిళ సినిమాలన్నింటిలో నెంబర్‌ వన్‌ చిత్రంగా రికార్డ్‌ సష్టించింది. ఇప్పటికీ భారీ వసూళ్లతో విజయవంతంగా ప్రదర్శితమవుతోంది. ఈ చిత్రాన్ని తెలుగులో ఈనెల 31న సత్యకృష్ణన్‌ ప్రొడక్షన్స్‌ సంస్థ రిలీజ్‌ చేస్తోంది. ‘యాక్షన్‌ కామెడీ జోనర్‌లో రూపొందిన ‘మద గజ రాజా’ తెలుగు ప్రేక్షకులకు సరికొత్త అనుభూతినిచ్చే ఎంటర్‌టైనర్‌. హీరో విశాల్‌ తన పవర్‌ ప్యాక్డ్‌ యాక్షన్‌తో అదరగొట్టారు. సంతానం కామెడీ స్పెషల్‌ ఎట్రాక్షన్‌గా నిలిచింది. డైరెక్టర్‌ సుందర్‌.సి అన్ని కమర్షియల్‌ ఎలిమెంట్స్‌తో హోల్సమ్‌ ఎంటర్‌టైన్మెంట్‌ అందించారు. విజరు ఆంటోని పాటలన్నీ ప్రేక్షకులను అలరిస్తాయి. తమిళంలో ఘన విజయం సాధించిన ఈ చిత్రం తెలుగు ప్రేక్షకులను కూడా అద్భుతంగా అలరిస్తుందని మేకర్స్‌ తెలియజేశారు.
ఈ చిత్రంలో వరలక్ష్మి, అంజలి, శరత్‌ సక్సేనా, సోనూ సూద్‌ కీలక మణివణ్ణన్‌, నితిన్‌ సత్య, సడగొప్పన్‌ రమేష్‌, ఆర్‌. సుందర్‌ రాజన్‌, మొట్టా రాజేంద్రన్‌, మనోబాల, స్వామినాథన్‌, జాన్‌ కొక్కెన్‌, టార్జాన్‌, విచ్చు విశ్వనాథ్‌ తదితరులు నటించిన ఈ చిత్రానికి కథ, స్క్రీన్‌ప్లే, దర్శకత్వం – సుందర్‌.సి, సినిమాటోగ్రఫీ- రిచర్డ్‌ ఎం.నాథన్‌, సంగీతం – విజరు ఆంటోని, మాటలు – శశాంక్‌ వెన్నెలకంటి, ఎడిటర్‌ – శ్రీకాంత్‌ ఎన్‌ బి, ఆర్ట్‌ డైరెక్టర్‌- గురురాజ్‌, స్టంట్‌- సూపర్‌ సుబ్బరాయన్‌.
