రామ్‌ చరణ్‌ పుట్టినరోజు సందర్భంగా ఆయన అభిమానులందరికీ ఒక రోజు ముందే పండగ రాబోతుంది. తెలుగు సినిమా ఇండిస్టీ రికార్డులను తిరగరాసి తెలుగు వాడి ఖ్యాతిని ప్రపంచానికి చాటి చెప్పిన చిత్రం ‘మగధీర’. గీతా ఆర్ట్స్‌ పతాకంపై అల్లు అరవింద్‌ అత్యంత ప్రతిష్టాత్మకంగా రాజమౌళి దర్శకత్వంలో రూపొందించిన మెగా బ్లాక్‌ బస్టర్‌ ఇది. ఈ చిత్రం ఈనెల 26న థియేటర్లలో రీ రిలీజ్‌ కాబోతోంది. ఈ సందర్భంగా పంపిణీదారులు శ్రీ విజయలక్ష్మి ట్రేడర్స్‌ అధినేత యర్రంశెట్టి రామారావు, అరిగెల కిషోర్‌ బాబు మాట్లాడుతూ,’ఈ చిత్రాన్ని భారీ స్థాయిలో అత్యధిక థియేటర్లలో రెండు తెలుగు రాష్ట్రాల్లో రీ రిలీజ్‌ చేస్తున్నాం. మమ్మల్ని ప్రోత్సహించి మాకు రీ రిలీజ్‌ చేసే అవకాశం కల్పించిన ప్రొడ్యూసర్‌ అల్లు అరవింద్‌కి కతజ్ఞతలు. తెలుగు ప్రేక్షకులు మెగా అభిమానులు ఈ చిత్రాన్ని ఆదరించి మరోసారి ఘన విజయాన్ని అందించి, రామ్‌ చరణ్‌కు బర్త్‌ డే గిఫ్ట్‌ ఇస్తారని కోరుకుంటున్నాం’ అని చెప్పారు.
