అభిరామ్‌ మూవీస్‌ బ్యానర్‌ పై సీనియర్‌ మేకప్‌ మ్యాన్‌ కుమార్‌ మెట్టుపల్లి నిర్మాతగా, దివాకర్‌ యడ్ల దర్శకుడిగా పరిచయం అవుతున్న చిత్రం ‘మేకప్‌ మ్యాన్‌’. నటుడు ధర్మవరపు సుబ్రహ్మణ్యం మేనల్లుడు శ్రీకాంత్‌ అవుటూరి ఈ చిత్రంతో హీరోగా పరిచయం అవుతున్నారు. పోలూరు ఘటిక చలం డైలాగ్స్‌, ఎం ఎం శ్రీలేఖ సంగీతం అందిస్తున్నారు. శనివారం ఈ చిత్ర ప్రారంభోత్సవం ఫిల్మ్‌ ఛాంబర్‌లో గ్రాండ్‌గా జరిగింది. దర్శకుడు రవి కుమార్‌ చౌదరి క్లాప్‌ కొట్టగగా, లయన్‌ సాయి వెంకట్‌ కెమెరా స్విచ్‌ ఆన్‌ చేశారు. భరత్‌ పారేపల్లి తొలి షాట్‌కు గౌరవ దర్శకత్వం వహించారు. ఈ సందర్భంగా హీరో శ్రీకాంత్‌ కవుటూరి మాట్లాడుతూ,’నాకు కామెడీ అంటే చాలా ఇష్టం. చిన్నప్పట్నుంచీ మామయ్యను చూసి పెరగడంతో సినిమాలపై ఆసక్తి కలిగింది. ఇలాంటి మంచి కాన్సెప్ట్‌తో హీరోగా పరిచయం అవడం చాలా ఆనందంగా ఉంది. ఇది అందరికీ కచ్చితంగా అలరిస్తుంది’ అని అన్నారు.
‘చిత్ర పరిశ్రమలో మేకప్‌ మ్యాన్‌ ప్రాముఖ్యత చాలా కీలకంగా ఉంటుంది. అలాంటి మేకప్‌ మ్యాన్‌ల జీవితాలను ఇందులో చూపిస్తాము. వాళ్ళ లైఫ్‌ స్టైల్‌, వాళ్ళు ఎదుర్కొంటున్న సమస్యలను ఇందులో చూపించ బోతున్నాం. త్వరలో షూటింగ్‌ మొదలు పెడుతున్నాం’ అని చిత్ర దర్శకుడు దివాకర్‌ యడ్ల చెప్పారు. నిర్మాత కుమార్‌ మెట్టుపల్లి మాట్లాడుతూ,’సినిమా నిర్మించాలని ఎప్పటినుంచో ప్లాన్‌ చేస్తున్నా. ఇన్నాళ్లకు మంచి కథతో ప్రొడక్షన్‌ స్టార్ట్‌ చేయడం హ్యాపీగా ఉంది’ అని తెలిపారు.
సీనియర్‌ రచయిత ఘటిక చలం, నటులు కట్టా రంజిత్‌ ఆనంద్‌ భారతి చిట్టిబాబు, రచయిత నాగరాజు చిత్ర యూనిట్‌కు అభినందనలు తెలియజేశారు. కట్టా రంజిత్‌, ఆనంద్‌ భారతి, చిట్టిబాబు తదితరులు నటిస్తున్న ఈ చిత్రానికి స్టోరీ, స్క్రీన్‌ ప్లే, డైరెక్టర్‌ : దివాకర్‌ యడ్ల, డైలాగ్స్‌ : ఘటక చలం, డిఓపి, ఎడిటర్‌ : వాసు వర్మ, సంగీతం : ఎం ఎం శ్రీలేఖ, రచనా సహకారం : శ్రీను గ్రంధి.
