దుల్కర్‌ సల్మాన్‌ హీరోగా నటిస్తున్న పాన్‌ ఇండియా మాస్‌ ఎంటర్‌టైనర్‌ ‘కింగ్‌ ఆఫ్‌ కోత’. జీ స్టూడియోస్‌, వేఫేరర్‌ ఫిల్మ్స్‌ నిర్మిస్తున్న ఈ చిత్రానికి అభిలాష్‌ జోషి దర్శకత్వం వహిస్తున్నారు. ఇప్పటికే విడుదలైన ఈ చిత్రంలోని ప్రమోషనల్‌ కంటెంట్‌కు మంచి రెస్పాన్స్‌ వచ్చింది.
తాజాగా ‘కింగ్‌ ఆఫ్‌ కోత’ మ్యూజికల్‌ జర్నీ ప్రారంభమైంది. జేక్స్‌ బిజోరు సంగీతం అందిస్తున్న ఈ చిత్రం నుంచి ‘హల్లా మచారే..’ అనే పాటని మేకర్స్‌ ఆదివారం విడుదల చేశారు ఫుల్‌ ఎనర్జిటిక్‌ పుట్‌ ట్యాపింగ్‌ నెంబర్‌గా ఈ పాటని జేక్స్‌ బిజోరు స్వరపరిచారు.
ఎల్‌వి రేవంత్‌, సింధూజ శ్రీనివాసన్‌ ఎనర్జిటిక్‌గా పాడిన ఈ పాటకు కష్ణకాంత్‌ సాహిత్యం మరింత ఆకర్షణగా నిలిచింది.
ఈ పాటలో దుల్కర్‌ సల్మాన్‌ మాస్‌ డ్యాన్స్‌ మూమెంట్స్‌ ఎంతగానో ఆకట్టుకున్నాయి.
జీ స్టూడియోస్‌, వేఫేరర్‌ ఫిల్మ్స్‌ నిర్మించిన ఈ చిత్రం యూనిక్‌ కంటెంట్‌, ఎంటర్‌ టైన్‌మెంట్‌తో ప్రేక్షకులను అలరించనుంది.
‘వైవిధ్యమైన సినిమాలతో దుల్కర్‌ సల్మాన్‌ తెలుగు ప్రేక్షకులకు మరింత దగ్గరయ్యారు. రీసెంట్‌గా రానా నిర్మాణంలో దుల్కర్‌ కూడా నిర్మాతగానే కాకుండా లీడ్‌ యాక్టర్‌గా ‘కాంత’ చిత్రం తెరకెక్కుతోంది. ఇలా ప్రతీదీ భిన్నమైనది కావడంతో దుల్కర్‌ సినిమాలపై అందరిలోనూ అంచనాలు పెరిగాయి. అలాగే ఈ సినిమాపై కూడా భారీ అంచనాలు ఉన్నాయి. ఓనం కానుకగా రిలీజ్‌ చేస్తున్నాం’ అని మేకర్స్‌ తెలిపారు.
డ్యాన్సింగ్‌ రోజ్‌, ప్రసన్న, ఐశ్వర్య లక్ష్మి, నైలా ఉష, చెంబన్‌ వినోద్‌, గోకుల్‌ సురేష్‌, షమ్మి తిలకన్‌, శాంతి కష్ణ, వడ చెన్నై శరణ్‌ తదితరులు నటిస్తున్న ఈ చిత్రాన్ని ఓనం పండుగ కానుకగా ప్రేక్షకుల ముందుకు తీసుకొస్తున్నారు.
