వరుణ్‌ తేజ్‌ తాజాగా ‘మట్కా’ సినిమాతో పాన్‌ ఇండియాలో అడుగు పెడుతున్నారు. కరుణ కుమార్‌ దర్శకత్వంలో వైర ఎంటర్‌టైన్‌మెంట్స్‌, ఎస్‌ఆర్‌టి ఎంటర్‌టైన్‌మెంట్స్‌ పతాకాలపై డాక్టర్‌ విజయేందర్‌ రెడ్డి తీగల, రజనీ తాళ్లూరి ఈ మూవీని నిర్మిస్తున్నారు. వరుణ్‌ తేజ్‌ని డిఫరెంట్‌ లుక్స్‌లో ప్రజెంట్‌ చేసిన ఫస్ట్‌లుక్‌కు అద్భుతమైన రెస్పాన్స్‌ వచ్చింది.
ప్రస్తుతం ఈ సినిమా కాకినాడలో షూటింగ్‌ జరుపుకుంటోంది. ఈ ముఖ్యమైన షెడ్యూల్‌లో టాకీ పార్ట్‌, ప్రముఖ తారాగణంతో యాక్షన్‌ పార్ట్‌ను చిత్రీకరించనుంది. మేకర్స్‌ విడుదల చేసిన పోస్టర్‌లో వరుణ్‌ తేజ్‌ చేతిలో తుపాకీతో కాకినాడ ఓడరేవులో క్రూయిజ్‌ షిప్‌ ముందు నిలబడి కనిపించారు. పీరియాడికల్‌ బ్యాక్‌డ్రాప్‌లో సాగే ఈ సినిమాలో వరుణ్‌ తేజ్‌ డిఫరెంట్‌ మేకోవర్‌లలో కనిపించనున్నారు. మీనాక్షి చౌదరి, నోరా ఫతేహీ హీరోయిన్లుగా నటిస్తున్నారు. నవీన్‌ చంద్ర, సలోని, అజరు ఘోష్‌, కన్నడ కిషోర్‌, రవీంద్ర విజరు, పి రవి శంకర్‌ తదితరులు నటిస్తున్న ఈ చిత్రానికి కథ, స్క్రీన్‌ప్లే, మాటలు, దర్శకత్వం: కరుణ కుమార్‌, నిర్మాతలు: డాక్టర్‌ విజయేందర్‌ రెడ్డి తీగల, రజనీ తాళ్లూరి, సంగీతం: జివి ప్రకాష్‌ కుమార్‌, డీవోపీ: ఎ కిషోర్‌ కుమార్‌, ఎడిటర్‌: కార్తీక శ్రీనివాస్‌ ఆర్‌, ప్రొడక్షన్‌ డిజైనర్‌: కిరణ్‌ కుమార్‌ మన్నె, సీఈఓ: ఈవీవీ సతీష్‌, ఎగ్జిక్యూటివ్‌ ప్రొడ్యూసర్‌: ఆర్కే జానా, ప్రశాంత్‌ మండవ, సాగర్‌, కాస్ట్యూమ్స్‌: కిలారి లక్ష్మి.
