వరుణ్‌ తేజ్‌ నటిస్తున్న పాన్‌-ఇండియా మూవీ ‘మట్కా’. ‘పలాస’ ఫేమ్‌ కరుణ కుమార్‌ దర్శకత్వంలో రజనీ తాళ్లూరి ఎస్‌ఆర్‌టీ ఎంటర్‌టైన ్‌మెంట్స్‌తో కలిసి వైర ఎంటర్‌టైన్‌మెంట్స్‌పై డాక్టర్‌ విజయేందర్‌ రెడ్డి తీగల నిర్మిస్తున్నారు. ఈ మూవీని హ్యుజ్‌ కాన్వాస్‌పై హైబడ్జెట్‌, టాప్‌ టెక్నికల్‌ వాల్యూస్‌తో రూపొందిస్తున్నారు. ఈనెల 19 నుంచి కొత్త షెడ్యూల్‌ ప్రారంభం కానుంది. ప్రస్తుతం ఈ మాస్‌ యాక్షన్‌ ఎంటర్‌టైనర్‌ కోసం హైదరాబాద్‌లోని రామోజీ ఫిల్మ్‌ సిటీలో భారీ సెట్‌ను నిర్మిస్తున్నారు. 4 డిఫరెంట్‌ గెటప్స్‌లో కనిపించనున్న వరుణ్‌ తేజ్‌ ఈ చిత్రంలో మోస్ట్‌ ఛాలెంజింగ్‌ క్యారెక్టర్‌లో నటిస్తున్నారు. యావత్‌ దేశాన్ని కదిలించిన ఒక యదార్థ సంఘటన ఆధారంగా కథ డిఫరెంట్‌ టైమ్స్‌లో సెట్‌ చేయబడింది. త్వరలో మరిన్ని ఆసక్తికరమైన అప్‌డేట్‌లు మేకర్స్‌ తెలియజేస్తారు. వరుణ్‌ తేజ్‌ పుట్టినరోజు సందర్భంగా ఓపెనింగ్‌ బ్రాకెట్‌ టీజర్‌ విడుదల చేయగా, దానికి అద్భుతమైన స్పందన వచ్చింది. టీజర్‌ సినిమా ప్రిమైజ్‌ని అద్భుతంగా చూపింది. నవీన్‌ చంద్ర, పి రవి శంకర్‌ తదితర కొన్ని ముఖ్యమైన పాత్రలను కూడా పరిచయం చేసింది. ‘వరుణ్‌తేజ్‌ ఇప్పటివరకు నటించిన చిత్రాల్లోని పాత్రలతో పోలిస్తే ఈ సినిమాలోని పాత్ర చాలా వైవిధ్యంగా ఉంటుంది. పలు కాలాల్లో సాగే ఈ చిత్రంలో ఆయన నాలుగు భిన్నమైన గెటప్స్‌తో అలరించనున్నారు. ఈ గెటప్స్‌ కోసం ఆయన మేకోవర్‌ అయిన విధానం ప్రేక్షకులను ఆశ్చర్యానికి గురి చేస్తుంది’ అని చిత్ర బృందం తెలిపింది. తెలుగు, తమిళం, కన్నడ, మలయాళం, హిందీ భాషల్లో విడుదల కానున్న ఈ చిత్రంలో వరుణ్‌ తేజ్‌ సరసన నోరా ఫతేహి, మీనాక్షి చౌదరి నటిస్తున్నారు. నవీన్‌ చంద్ర, అజయ్ ఘోష్‌, కన్నడ కిషోర్‌, రవీంద్ర విజరు, పి రవి శంకర్‌ తదితరులు ఇతర కీలక పాత్రలను పోషిస్తున్నారు. ఈచిత్రానికి కథ, స్క్రీన్‌ప్లే, మాటలు, దర్శకత్వం: కరుణ కుమార్‌, నిర్మాతలు: డాక్టర్‌ విజయేందర్‌ రెడ్డి తీగల, రజనీ తాళ్లూరి, సంగీతం: జివి ప్రకాష్‌ కుమార్‌, డీవోపీ: కిషోర్‌ కుమార్‌, ఎడిటర్‌: కార్తీక శ్రీనివాస్‌ ఆర్‌, సీఈఓ: ఈవీవీ సతీష్‌, ఎగ్జిక్యూటివ్‌ ప్రొడ్యూసర్‌: ఆర్కే జానా, ప్రశాంత్‌ మండవ, సాగర్‌, కాస్ట్యూమ్స్‌: కిలారి లక్ష్మి.
