వరుణ్‌ తేజ్‌, కరుణ కుమార్‌ కాంబినేషన్‌లో రూపొందుతున్న పాన్‌ ఇండియా చిత్రం ‘మట్కా’.వైర ఎంటర్‌టైన్‌మెంట్స్‌ బ్యానర్‌ పై డాక్టర్‌ విజయేందర్‌ రెడ్డి తీగల, మోహన్‌ చెరుకూరి (సివిఎం) ఈ చిత్రాన్ని నిర్మిస్తున్నారు. ఈ సినిమా రెగ్యులర్‌ షూటింగ్‌ ఇటీవల హైదరాబాద్‌లో ప్రారంభమైంది. శరవేగంగా జరుగుతున్న ఈ షెడ్యూల్‌ చిత్రీకరణ కోసం ఓ భారీ సెట్‌ను నిర్మించారు. ఈ కథ 1958, 1982 మధ్య సాగేది కావడంతో చిత్ర బృందం 50, 80ల నాటి పరిసరాలను అద్భుతంగా రిక్రియేట్‌ చేశారు. యావత్‌ దేశాన్ని కదిలించిన యదార్థ సంఘటన ఆధారంగా ఈ కథను తయారు చేశారు. కథాపరంగా 24 ఏళ్ల స్పాన్‌ కలిగిన కథలో వరుణ్‌ తేజ్‌ నాలుగు విభిన్నమైన గెటప్‌లలో కనిపించనున్నారు. దీని కోసం ఆయన పూర్తిగా మేక్‌ఓవర్‌ అవుతున్నారు వరుణ్‌ తేజ్‌ సరసన నోరా ఫతేహి, మీనాక్షి చౌదరి హీరోయిన్స్‌గా నటిస్తున్న ఈ చిత్రంలో నవీన్‌ చంద్ర, కన్నడ కిషోర్‌ కీలక పాత్రల్లో కనిపించనున్నారు. ఈచిత్రానికి అత్యుత్తమ సాంకేతిక నిపుణుల పని చేస్తున్నారు. సౌత్‌లో అత్యంత బిజీగా ఉన్న కంపోజర్‌లలో ఒకరైన జివి ప్రకాష్‌ కుమార్‌ సంగీతం సమకూరుస్తుండగా, తంగలన్‌ ఫేమ్‌ ఏ కిషోర్‌ కుమార్‌ డీవోపీగా పని చేస్తున్నారు. కార్తీక శ్రీనివాస్‌ ఆర్‌ (పుష్ప ఫేమ్‌) ఎడిటర్‌. ఆశిష్‌ తేజ పులాల ప్రొడక్షన్‌ డిజైనర్‌, సురేష్‌ ఆర్ట్‌ డైరెక్టర్‌. మల్టిపుల్‌ యాక్షన్‌ సీక్వెన్స్‌లు ఉన్న ఈ చిత్రానికి నలుగురు ఫైట్‌ మాస్టర్‌లు యాక్షన్‌ను పర్యవేక్షిస్తున్నారు. తెలుగు, తమిళం, కన్నడ, మలయాళం, హిందీ భాషల్లో ఈ సినిమా విడుదల కానుంది. రవీంద్ర విజరు, సత్యం రాజేష్‌, రవిశంకర్‌, అజరు ఘోష్‌, రూప లక్ష్మి, అవినాష్‌ కనపర్తి తదితరులు నటిస్తున్న ఈ చిత్రానికి కథ, స్క్రీన్‌ప్లే, మాటలు, దర్శకత్వం: కరుణ కుమార్‌.
