హీరో కిచ్చా సుదీప్‌ నటించిన ‘మాక్స్‌’ టీజర్‌ను మంగళవారం మేకర్స్‌ విడుదల చేశారు. యాక్షన్‌ జోనర్‌ లవర్స్‌ ఎప్పుడెప్పుడా అని ఎదురు చూసిన ఈ ‘మాక్స్‌’ టీజర్‌ ఇప్పుడు అందరినీ ఆకట్టుకుంటోంది. పాన్‌-ఇండియన్‌ సినిమాగా రాబోతోన్న ఈ సినిమా మీద ఇప్పటికే భారీ అంచనాలు ఏర్పడ్డాయి. కిచ్చా సుదీప్‌ చాలా కాలం తరువాత మళ్లీ మాస్‌ అవతార్‌లో కనిపిస్తున్నారు. టీజర్‌లో ఆయన డెమి-గాడ్‌ లుక్‌ అభిమానులకు ఐ ఫీస్ట్‌లా ఉంది. మాస్‌, యాక్షన్‌ లవర్స్‌ను ఆకట్టుకునేలా సినిమాను తీయబోతోన్నారని టీజర్‌ చూస్తేనే తెలుస్తోంది. ఒక్కమాటలో చెప్పాలంటే విజువల్‌ ట్రీట్‌గా అందరినీ మెస్మరైజ్‌ చేస్తోంది అని చిత్ర యూనిట్‌ తెలిపింది. విజరు కార్తికేయ దర్శకత్వంలో రాబోతోన్న ఈ చిత్రంలో వరలక్ష్మి శరత్‌కుమార్‌, సంయుక్త హోర్నాడ్‌, ప్రమోద్‌ శెట్టి తదతరులు నటించారు. అజనీష్‌ లోక్‌నాథ్‌ చిత్రానికి సంగీతం అందించారు. వి క్రియేషన్స్‌ బ్యానర్‌పై కలైపులి ఎస్‌ థాను, కిచ్చా క్రియేషన్స్‌ బ్యానర్‌పై కిచ్చా సుదీప్‌ ఈ చిత్రాన్ని నిర్మిస్తున్నారు.
