రేపు మండలానికి ఎమ్మెల్యే రాక..

రేపు మండల కేంద్రంలోని రైతు వేదిక లో జరిగే కార్యక్రమంలో పాలకుర్తి ఎమ్మెల్యే మామిడాల యశస్విని రెడ్డి పాల్గొంటారని కాంగ్రెస్ మండల అధ్యక్షుడు ముద్దసాని సురేష్ తెలిపారు. బుధవారం ఆయన మండల కేంద్రంలో విలేకరులతో మాట్లాడారు. రాష్ట్ర ప్రభుత్వం రైతాంగానికి 2 లక్షల రుణమాఫీ చేయనున్న సందర్భంగా నిర్వహించే కార్యక్రమానికి ఎమ్మెల్యే హాజరు కానున్నారని పేర్కొన్నారు. అధికారులు, పార్టీ శ్రేణులు ఎమ్మెల్యే పర్యటనను విజయవంతం చేయాలని కోరారు.