– అనుమతులు లేకుండా యథేచ్ఛగా ఏర్పాటు– చెరువు, కుంటల నుంచి మట్టి తరలింపు
– బాలకార్మికులతో పని చేయిస్తున్న వైనం
నవతెలంగాణ – పెద్దకొడప్ గల్
పెద్దకొడప్ గల్ మండలం ఇతర గ్రామాలలో భవన నిర్మాణాలు జోరుగా సాగుతుండడంతో మండలంలోని ఇటుక బట్టీలు పుట్టగొడుగుల్లా వెలుస్తున్నాయి. చాలా వరకు అనుమతులు లేకుండానే కొనసాగుతూ ప్రభుత్వ ఆదాయానికి గండి కొడుతున్నాయి. మండలంలోని దాదాపుగా 20కి పైగానే ఇటుక బట్టీలు ఉన్నాయి. మండలంలో ఇటుక బట్టి వ్యాపారులు వ్యవసాయ భూమిని తీసుకొని ఈ వ్యాపారం కొనసాగిస్తున్నారు. వ్యవసాయ భూములను ఇటుక బట్టలు గా మార్చడంతో పక్కకు ఉన్న పంట పొలాల్లో కాలుష్యం ద్వారా సరిగ్గా పడటం లేదని స్థానికులు ఆవేదన వ్యక్తం చేస్తున్న.అధికారులు మాత్రం పట్టించుకోవడంలేదని రైతులు మొరపెట్టుకుంటున్నారు.ఇటుకలను తయారీ చేయడానికి ఛత్తీస్‌గఢ్‌, ఒడిశా నుంచి కార్మికులను తీసుకువస్తుంటారు.అనుమతులు లేకుండానే ఏర్పాట్లు.మామూలు మత్తులో సంబంధిత అధికారులు..ఇటుక బట్టి నిర్వాహకులు ఎటువంటి నియమ నిబంధనలు లేకుండా యదేచ్ఛగా నడుపుతున్న అధికారులు పట్టించుకోకపోవడం పలు అనుమానాలకు దారితీస్తుంది. ఇటుక బట్టీల ఏర్పాటుకు ఆయా గ్రామ పంచాయతీలతో పాటు రెవెన్యూ శాఖ, కాలుష్య నియంత్రణ మండలి నుంచి అనుమతులు తప్పకుండా తీసుకోవాలి, కానీ కొందరు వ్యాపారులు మాత్రం నిబంధనలు పాటించడం లేదు. అంతేకాకుండా నిబంధనలకు విరుద్ధంగా ప్రభుత్వ భూముల్లోనూ బట్టీలు నిర్వహిస్తున్నారు. వ్యవసాయ భూముల్లో ఇటుక బట్టీలు ఏర్పాటు చేయాలంటే నాలా సుంకం చెల్లించాలి. కానీ రైతులకు డబ్బు ఎర చూపి నాలా సుంకం చెల్లించకుండానే వ్యాపారం చేస్తున్నారు. వాల్టా చట్టాన్ని ఉల్లంఘించి చెరువులు, కుంటల నుంచి మట్టిని తరలిస్తూ ఇటుకల తయారీకి వినియోగిస్తున్నారు.
ప్రధాన రహదారుల వెంట బట్టీలు: జాతీయ రహదారి 161మండలం నుండి బిచ్కుంద దగ్గర వైపు వెళుతున్న వాహనదారులు రహదారుల పక్కనే ఇటుక బట్టీలు ఏర్పాటు చేయడం వల్ల వాహనదారులు తీవ్ర ఇబ్బందులు పడుతున్నారు. గాలికి బూడిద కొట్టుకువచ్చి కంట్లో పడడం, జరుగుతున్నాయిఇటుకు బట్టీల నుంచి వెలువడుతున్న పొగతో రోడ్డు కనిపించక ప్రమాదాలు జరుగుతున్నాయని ఆందోళన చెందుతున్నారు. బాల కార్మికులతోనూ పనులు ఇటుక బట్టీల వ్యాపారులు ఎక్కువగా ఛత్తీస్‌గఢ్‌, ఒడిశా నుంచి కార్మికులను తీసుకువస్తుంటారు. ఇందులో బాల కార్మికులే ఎక్కువగా ఉండడం గమనార్హం. ప్రతి ఇటుక బట్టీ వ్యాపారి వద్ద సుమారు నలుగురు నుంచి ఐదుగురు వరకు బాల కార్మికులు పని చేస్తుంటారు. అధికారులు స్పందించి నిబంధనలకు విరుద్ధంగా కొనసాగుతున్న ఇటుక బట్టీలపై చర్యలు తీసుకోవాలని పలువురు కోరుతున్నారు.
