రీసెంట్‌గా ‘సరిపోదా శనివారం’తో హ్యాట్రిక్‌ బ్లాక్‌బస్టర్‌ని అందుకున్న హీరో నాని తన 32వ సినిమాతో మరో మైల్‌ స్టోన్‌ జర్నీ ప్రారంభించబోతున్నారు. నాని క్యారెక్టర్‌ పై స్నీక్‌ పీక్‌ అందిస్తూ, గ్రిప్పింగ్‌ గ్లింప్స్‌ ద్వారా ఈరోజు ‘హిట్‌ : ది థర్డ్‌ కేస్‌’ మూవీని అఫీషియల్‌గా అనౌన్స్‌ చేశారు. డాక్టర్‌ శైలేష్‌ కొలను దర్శకత్వం వహిస్తున్న ఈ మూవీని వాల్‌ పోస్టర్‌ సినిమా, యూనానిమస్‌ ప్రొడక్షన్స్‌ బ్యానర్‌ పై ప్రశాంతి తిపిర్నేని నిర్మిస్తున్నారు. హంటర్స్‌ కమాండ్‌ గ్లింప్స్‌ హిట్‌ ఆఫీసర్‌ మంచు పర్వతాలలో కారు నడుపుతూ, అతనిని వెంబడిస్తున్న ఇద్దరు పోలీసు ఆఫీసర్స్‌తో ఇంట్రెస్టింగ్‌ నోట్‌తో ప్రారంభమైంది. హిట్‌ ఆఫీసర్‌ డేంజర్‌లో ఉన్నారని ఒక అికారి మరొకరు హెచ్చరించడంతో టెన్షన్‌ బిల్డ్‌ అయింది. అయితే తను దేజంర్‌లో లేడని, తనే డేంజర్‌ అని పోలీస్‌ ఆఫీసర్‌ చెప్పిన తర్వాత అర్జున్‌ సర్కార్‌గా నాని కనిపించడం టెర్రిఫిక్‌గా ఉంది. నాని సిగార్‌ తాగుతూ, కారు నడుపుతూ రక్తపు చేతులు, గొడ్డలితో స్టైలిష్‌ అండ్‌ ఫెరోషియస్‌గా కనిపించారు. అర్జున్‌ సర్కార్‌ క్యారెక్టర్‌లో ఆదరగొట్టారు. అర్జున్‌ సర్కార్‌ క్యారెక్టర్‌ చాలా పవర్‌ఫుల్‌గా ఉండబోతోంది. హిట్‌ ఫ్రాంచైజీలో మోస్ట్‌ సక్సెస్‌ ఫుల్‌ మూవీస్‌ని అందించిన డైరెక్టర్‌ శైలేష్‌ కొలను దర్శకత్వం వహిస్తున్న ఈ చిత్రం మరింత ప్రతిష్టాత్మకంగా ఉండనుంది. ఈ చిత్రాన్ని వచ్చే ఏడాది వేసవి కానుకగా మే 1న విడుదల చేయబోతున్నారు.
