‘బలగం’ వంటి మంచి విజయం సాధించిన సినిమా తర్వాత దిల్‌ రాజు ప్రొడక్షన్‌ హౌస్‌ నుంచి వస్తున్న తాజా చిత్రం ‘ఆకాశం దాటి వస్తావా’. ఈ సినిమాతో కొరియోగ్రాఫర్‌ యష్‌ హీరోగా పరిచయం అవుతున్నారు. మలయాళ నటి కార్తీక మురళీధరన్‌ హీరోయిన్‌గా నటిస్తోంది. శశి కుమార్‌ ముతులూరి దర్శకుడిగా పరిచయం అవుతున్న ఈ సినిమా ఒక మ్యూజికల్‌ డాన్స్‌ బేస్డ్‌ లవ్‌ స్టోరీ. రీసెంట్‌గా ఫస్ట్‌ సాంగ్‌ ‘ఉన్నానో లేనో…’ రిలీజ్‌ చేశారు. దీనికి ముందు విడుదల చేసిన ఆ సాంగ్‌, సినిమా టీజర్‌ ప్రేక్షకులు అందరిని ఆకట్టుకున్నాయి.
శుక్రవారం సినిమాలోని రొమాంటిక్‌ మెలోడీగా రూపొందించిన సెకండ్‌ సింగిల్‌ ‘నరనరమున.. నీ తలపే.. శంగార…’ను విడుదల చేశారు. ఈ పాటను సంజిత్‌ హెగ్డే, మాళవికా శంకర్‌ ఆలపించారు. మ్యూజిక్‌ డైరెక్టర్‌ కార్తీక్‌ తన అద్బుతమైన గాత్రంతో పాటకు ప్రాణం పోశారు. దర్శకుడు శశి కుమార్‌ ముతులూరి ఈ సాంగ్‌ రాయడం విశేషం. ఇందులో హీరో, హీరోయిన్లు యష్‌, కార్తీక మురళీధరన్‌ మధ్య కెమిస్ట్రీ అందంగా ఉంది. ప్రేమ జంట మధ్య ఎటువంటి అవధులు లేని స్వచ్ఛమైన రొమాన్స్‌ ఈ పాటలో చూపించారని చెప్పొచ్చు. ప్రేక్షకులకు ఈ పాట చక్కటి కనువిందు చేస్తుందని చెప్పడంలో ఎటువంటి సందేహం అవసరం లేదు. శిరీష్‌ సమర్పణలో హర్షిత్‌ రెడ్డి, హన్షితా రెడ్డి ఈ చిత్రాన్ని నిర్మిస్తున్నారు.
