ఫార్మసీ కళాశాలలో జాతీయ సదస్సు, శిక్షణా తరగతులు ..

యాదగిరిగుట్ట మండలం వంగపల్లి శుక్రవారం, స్వామి వివేకానంద ఫార్మసీ కళాశాలలో ఫార్మసీ విద్యా ప్రముఖత, క్లినికల్ ట్రయల్స్, డేటా మేనేజ్‌మెంట్, ఉద్యోగ, ఉపాధి అవకాశాలు అనే అంశాలపైన క్లిన్ఆక్సి ప్రవేట్ లిమిటెడ్ సంస్థ అధ్వర్యంలో జాతీయ సదస్సు, శిక్షణ తరగతులు నిర్వహించారు. ఈ కార్యక్రమంలో క్లిన్ఆక్సీ సీఈఓ సతీష్ వేమవరపు, ప్రతినిధులు డాక్టర్ కె రమాకాంత్, రవితేజ శిక్షణ తరగతులు నిర్వహించారు. కళాశాల చైర్మన్ అనిత, సెక్రటరీ వెంకట్ రెడ్డి, డైరెక్టర్ ఉదయకుమార్ రెడ్డి, ప్రిన్సిపాల్ డాక్టర్ కే హేమమాలిని మాట్లాడుతూ.. ఈ శిక్షణ తరగతులు విద్యార్థులకు క్లినికల్ రీసెర్చ్, ఫార్మకోవిజిలెన్స్, రేగులటరీ అఫైర్స్, ఫార్మా ఇండస్ట్రీ ఉద్యోగాలు సాధించడానికి ఉపయోగ పడుతుందని విద్యార్థులు సద్వినియోగం చేసుకోవాలని సూచించారు. ఈ కార్యక్రమంలో డా మత్స్యగిరి, ఏఓ వేణుగోపాల్ రెడ్డి, అధ్యాపకులు, విద్యార్థినీ, విద్యార్థులు పాల్గొన్నారు.