త్రిగుణ్‌, మేఘా చౌదరి లీడ్‌ రోల్స్‌లో రూపొందుతున్న కామెడీ థ్రిల్లర్‌ ‘జిగేల్‌’. మల్లి యేలూరి దర్శకత్వం వహిస్తున్న ఈ చిత్రాన్ని డా|| వై.జగన్‌ మోహన్‌, నాగార్జున అల్లం నిర్మిస్తున్నారు. ఇటీివలే విడుదలైన ఈ మూవీ ఫస్ట్‌లుక్‌కి మంచి రెస్పాన్స్‌ వచ్చింది. తాజాగా డైరెక్టర్‌ హను రాఘవపూడి ఈ చిత్ర టీజర్‌ని లాంచ్‌ చేశారు. త్రిగుణ్‌ను లాకర్‌ టెక్నీషియన్‌గా పరిచయం చేస్తూ మొదలైన టీజర్‌ ఆద్యంతం ఆకట్టుకుంది. హీరో క్యారెక్టరైజేషన్‌ హిలేరియస్‌ ఎంటర్‌టైనింగ్‌గా ఉంది. అలాఏగ త్రిగుణ్‌, మేఘా చౌదరి లవ్‌ట్రాక్‌ బ్యూటీఫుల్‌గా ఉంది. ఇరవై ఏళ్ళుగా ఎలా తెరవాలో తెలియని ఓ లాకర్‌ని ప్రజెంట్‌ చేస్తూ వచ్చిన సీక్వెన్స్‌ చాలా ఉత్కంఠభరితంగా ఉన్నాయి. త్రిగుణ్‌ చాలా ఎనర్జిటిక్‌గా కనిపించారు. మేఘా చౌదరి తన స్క్రీన్‌ ప్రజెన్స్‌తో ఆకట్టుకుంది. టీజర్‌లో షాయాజీ షిండే, పోసాని పాత్రలు అలరించాయి. దర్శకుడు కామెడీతో పాటు మంచి థ్రిల్‌ ఉండే ఎంగేజింగ్‌ కాన్సెప్ట్‌తో ఈ సినిమాని రూపొందిచారని టీజర్‌ చూస్తే అర్థమవుతోంది. టీజర్‌లో టెక్నికల్‌ వ్యాల్యూస్‌ టాప్‌ క్లాస్‌లో ఉన్నాయి. మొత్తానికి టీజర్‌ సినిమాపై క్యురియాసిటీని పెంచింది అని చిత్రయూనిట్‌ తెలిపింది. త్వరలోనే ఈ సినిమా ప్రేక్షకులు ముందుకు రానుంది. రఘు బాబు, పృథ్వీ రాజ్‌, మధు నందన్‌, ముక్కు అవినాశ్‌, మేక రామకృష్ణ, నళిని, జయవాణి, అశోక్‌, గడ్డం నవీన్‌, చందన తదితరులు నటిస్తున్న ఈ చిత్రానికి డైరెక్టర్‌: మల్లి యేలూరి, స్టోరీ – స్క్రీన్‌ ప్లే: నాగార్జున అల్లం, డీఓపి : వాసు, డైలాగ్స్‌: రమేశ్‌ చెప్పాల, నాగార్జున అల్లం, మ్యూజిక్‌ డైరక్టర్‌: ఆనంద్‌ మంత్ర, ఎడిటింగ్‌ : కోటగిరి వెంకటేశ్వరరావు, డ్యాన్స్‌ : చంద్ర కిరణ్‌.
