నాని, డైరెక్టర్‌ వివేక్‌ ఆత్రేయ సెకండ్‌ కొలాబరేషన్‌లో రాబోతున్న పాన్‌ ఇండియా ఫిల్మ్‌ ‘సరిపోదా శనివారం’. ‘అంటే సుందరానికీ’ చిత్రంలో నాని సాఫ్ట్‌ పాత్రలో కనిపించగా, ఈ చిత్రంలో మునుపెన్నడూ లేని యాక్షన్‌-ప్యాక్డ్‌ క్యారెక్టర్‌లో ఆశ్చర్యపరచబోతున్నారు. డివివి ఎంటర్‌టైన్‌మెంట్స్‌పై డివివి దానయ్య, కళ్యాణ్‌ దాసరి భారీ బడ్జెట్‌తో భారీ కాన్వాస్‌తో ఈ ప్రాజెక్ట్‌ని నిర్మిస్తున్నారు. ఇప్పటికే విడుదలైన టీజర్‌కు ట్రెమండస్‌ రెస్పాన్స్‌ వచ్చింది. ప్రస్తుతం ఈ సినిమా చిత్రీకరణ శరవేగంగా జరుగుతోంది. ఈ చిత్రం నెక్స్ట్‌ షెడ్యూల్‌ నేటి (సోమవారం) నుంచి నుంచి ప్రారంభం కానుంది. హీరో నానితో పాటు ఇతర తారాగణం పాల్గొనే ఈ షెడ్యూల్‌లో పవర్‌ ప్యాక్డ్‌ యాక్షన్‌ సీన్స్‌ పాటు కొన్ని కీలక సన్నివేశాలని చిత్రీకరించనున్నారు. ఈ యాక్షన్‌ సీన్స్‌ సినిమాలో హైలెట్‌గా ఉండబోతున్నాయి. ఈ చిత్రంలో ప్రియాంక అరుల్‌ మోహన్‌ కథానాయిక. సూర్య కీలక పాత్ర పోషిస్తున్నారు. ఈ పాన్‌ ఇండియా చిత్రం ఆగస్ట్‌ 29న తెలుగు, తమిళం, కన్నడ, మలయాళం, హిందీ భాషల్లో గ్రాండ్‌ విడుదల కానుంది. ఈ చిత్రానికి రచన, దర్శకత్వం: వివేక్‌ ఆత్రేయ, సంగీతం: జేక్స్‌ బిజోరు, డీవోపీ: మురళి జి, ఎడిటర్‌: కార్తీక శ్రీనివాస్‌, ఫైట్స్‌: రామ్‌-లక్ష్మణ్‌.
