‘కాంచన 3, రూలర్‌’ సినిమాలతో తెలుగు ప్రేక్షకులకు దగ్గరైన హీరోయిన్‌ వేదిక. ఆమె లీడ్‌ రోల్‌లో నటిస్తున్న సస్పెన్స్‌ థ్రిల్లర్‌ ”ఫియర్‌”. దత్తాత్రేయ మీడియా బ్యానర్‌ పై ప్రొడ్యూసర్‌ ఏఆర్‌ అభి నిర్మిస్తున్నారు. సుజాత రెడ్డి, సామ సురేందర్‌ రెడ్డి కో ప్రొడ్యూసర్స్‌గా వ్యవహరిస్తున్నారు. దర్శకురాలు హరిత గోగినేని ఈ మూవీని రూపొందిస్తున్నారు. అరవింద్‌ కష్ణ ఓ స్పెషల్‌ రోల్‌లో కనిపించనున్నారు. బుధవారం హీరోయిన్‌ వేదిక పుట్టినరోజు సందర్భంగా ఆమెకు బర్త్‌ డే విషెస్‌ చెెబుతూ మూవీ టీమ్‌ ఓ స్పెషల్‌ పోస్టర్‌ని రిలీజ్‌ చేసింది. ఈ పోస్టర్‌లో వేదిక బ్యూటిఫుల్‌ మేకోవర్‌లో కనిపించి అందర్నీ ఆకట్టుకుంటోంది. ఈ సినిమాలో వేదిక క్యారెక్టర్‌ కొత్తగా ఉంటూ ప్రేక్షకులను మెస్మరైజ్‌ చేయనుంది. ఆమె కెరీర్‌లో ఇదొక స్పెషల్‌ మూవీ అవుతుందని చిత్రబందం చెబుతున్నారు. ప్రస్తుతం ఈ సినిమా చిత్రీకరణ పూర్తి చేసుకుని పోస్ట్‌ ప్రొడక్షన్‌ కార్యక్రమాలు జరుపుకుంటోంది. త్వరలోనే ఈ సినిమా థియేట్రికల్‌ రిలీజ్‌ డేట్‌ను అనౌన్స్‌ చేయబోతున్నారు. జెపి (జయప్రకాష్‌), పవిత్ర లొకేష్‌, అనీష్‌ కురువిల్ల, సాయాజి షిండే, సత్య కష్ణ, సాహితి దాసరి, షాని తదితరులు నటిస్తున్న ఈ చిత్రానికి మ్యూజిక్‌ – అనూప్‌ రూబెన్స్‌, సినిమాటోగ్రఫీ – ఐ ఆండ్రూ, ఎడిటింగ్‌ – గ్యారీ బీ హెచ్‌, లిరిక్స్‌ – కష్ణ కాంత్‌, కొరియోగ్రఫీ – విశాల్‌, నిర్మాత – ఏఆర్‌ అభి, కో ప్రొడ్యూసర్స్‌ – సుజాత రెడ్డి, సామ సురేందర్‌ రెడ్డి, రచన, దర్శకత్వం – హరిత గోగినేని.
