నితిన్‌ హీరోగా, శ్రీరామ్‌ వేణు దర్శకత్వంలో రూపొందుతున్న చిత్రం ‘తమ్ముడు’. ఈ సినిమా ప్రస్తుతం శరవేగంగా చిత్రీకరణ జరుపుకుంటోంది. సోమవారం ఈ సినిమా రిలీజ్‌ డేట్‌ని అనౌన్స్‌మెంట్‌ చేశారు మేకర్స్‌. మహాశివరాత్రి పర్వదినం సందర్భంగా ఈ చిత్రాన్ని వరల్డ్‌ వైడ్‌గా గ్రాండ్‌ థియేట్రికల్‌ రిలీజ్‌కు తీసుకొస్తున్నారు. ఈ సందర్భంగా విడుదల చేసిన పోస్టర్‌ అందరిలోనూ క్యూరియాసిటీని కలిగిస్తోంది. ఈ చిత్రంలో లయ కీలక పాత్రను పోషిస్తున్నారు. శ్రీ వెంకటేశ్వర క్రియేషన్స్‌లో నిర్మితమవుతున్న 56వ చిత్రమిది. ఈ సంస్థతో హీరో నితిన్‌, దర్శకుడు శ్రీరామ్‌ వేణుకు మంచి అనుబంధం ఉంది. హీరో నితిన్‌ దిల్‌, శ్రీనివాస కళ్యాణం వంటి సినిమాలు చేయగా, దర్శకుడు శ్రీరామ్‌ వేణు ఎంసీఏ, వకీల్‌ సాబ్‌ వంటి సూపర్‌ హిట్‌ చిత్రాలు రూపొందించారు. ఇప్పుడు ఈ ముగ్గురి కాంబినేషన్‌లో ఈ సినిమా రిలీజ్‌కు వస్తుండటం సినీ ప్రియుల దష్టిని మరింతగా ఆకర్షిస్తోంది. ఈ చిత్రానికి సినిమాటోగ్రఫీ – కేవీ గుహన్‌, ఎడిటింగ్‌ – ప్రవీణ్‌ పూడి, మ్యూజిక్‌ – అజనీష్‌ లోకనాథ్‌, నిర్మాత – దిల్‌ రాజు, శిరీష్‌, రచన -దర్శకత్వం – శ్రీరామ్‌ వేణు.
