రవితేజ, డైరెక్టర్ హరీష్ శంకర్ కాంబోలో రాబోతున్న యాక్షన్ ఎంటర్టైనర్ ‘మిస్టర్ బచ్చన్’. సోమవారం మేకర్స్ షో రీల్ వీడియోని రిలీజ్ చేసి ప్రమోషన్స్ ప్రారంభించారు. ఇందులో ఎలాంటి డైలాగ్లు లేకుండా షోరీల్ని కంప్లీట్ యంగేజింగ్గా కట్ చేశారు హరీష్ శంకర్. రవితేజ స్టైలిష్, మాస్ క్యారెక్టర్లో పరిచయం కాగా, జగపతి బాబు ఓల్డ్ ఫెరోషియస్ మ్యాన్గా కనిపించారు. రవితేజ గెటప్ క్లాస్గా ఉంటూ యాక్షన్స్ ఎక్కువగా మాస్ను ఆకట్టుకునేలా ఉన్నాయి. అమితాబ్ బచ్చన్ను రవితేజ ఇమిటేట్ చేసే చివరి సీన్ అందరీ అలరిస్తోంది. భాగ్యశ్రీ బోర్సే హీరోయిన్ నటిస్తుండగా, సచిన్ ఖేడేకర్ కీలక పాత్రలో కనిపించనున్నారు. ఇద్దరూ షోరీల్లో కనిపించారు. అయనంక బోస్ అందించిన ఎక్స్ట్రార్డినరీ కెమెరా వర్క్, మిక్కీ జె మేయర్ అందించిన అప్లిఫ్టింగ్ స్కోర్, పీపుల్ మీడియా ఫ్యాక్టరీ టాప్ క్లాస్ ప్రొడక్షన్ వాల్యూస్ అద్భుతంగా ఉన్నాయి. షోరీల్ సినిమాపై అంచనాలను మరింతగా పెంచింది అని చిత్ర బృందం తెలిపింది. పీపుల్ మీడియా ఫ్యాక్టరీ బ్యానర్పై టీజీ విశ్వ ప్రసాద్ ఈ ప్రాజెక్ట్ని నిర్మిస్తున్నారు. వివేక్ కూచిభొట్ల సహ నిర్మాత. ప్రొడక్షన్స్ వర్క్స్ పూర్తి కావస్తున్న ఈ సినిమా రిలీజ్ డేట్ని త్వరలోనే అనౌన్స్ చేయనున్నారు.