సురేష్‌ గోపి, అనుపమ పరమేశ్వరన్‌ ముఖ్య పాత్రల్లో నటించిన చిత్రం ‘జానకి వర్సెస్‌ స్టేట్‌ ఆఫ్‌ కేరళ (జె.ఎస్‌.కె)’. బైజు సందోష్‌, మాధవ్‌ సురేష్‌ గోపి, దివ్య పిళ్లయి, అస్కర్‌ అలీ ఇతర ముఖ్య పాత్రలు పోషించారు. కాస్మోస్‌ ఎంటర్టైన్మెంట్స్‌ పై ప్రవీణ్‌ నారాయణ దర్శకత్వంలో జె. ఫణీంద్ర కుమార్‌ నిర్మిస్తున్నారు. యదార్థ సంఘటన ఆధారంగా నిర్మిస్తున్న ఈ చిత్రంలో జానకిగా అనుపరమేశ్వరన్‌ తనకు జరిగిన అన్యాయాన్ని కోర్టులో ఎలా ఎదుర్కొంది అన్న అంశాన్ని ఇంటెన్స్‌ డ్రామాగా తెరకెక్కించారు. ఈ కేసును వాదించే లాయర్‌ పాత్రలో సురేష్‌ గోపి నటించారు. ఈ ఇంటెన్స్‌ కోర్ట్‌ రూమ్‌ డ్రామా చిత్రాన్ని ఫిబ్రవరిలో విడుదల చేస్తామని మేకర్స్‌ తెలిపారు. ఈ చిత్రానికి సహ నిర్మాతలు: సేతురామన్‌, హుమాయున్‌ అలీ అహమ్మద్‌ డిఓపి: రెనదివ్‌, ఎడిటర్‌: సంజిత్‌ మహమ్మద్‌, సంగీతం : గిరీష్‌ నారాయణన్‌, జిబ్రాన్‌.
