క్యారెక్టర్లు, లుక్స్‌ పరంగా ఎప్పటికప్పుడు డిఫరెన్స్‌ చూపించే హీరో రామ్‌. ఇప్పుడు మరో కొత్త లుక్‌, క్యారెక్టర్‌తో ప్రేక్షకుల ముందుకు వచ్చారు. ఆయన కథానాయకుడిగా మైత్రి మూవీ మేకర్స్‌ నిర్మాణంలో యువ దర్శకుడు మహేష్‌ బాబు పి తెరకెక్కిస్తున్న సినిమా హీరో క్యారెక్టర్‌ లుక్‌ను మేకర్స్‌ శుక్రవారం విడుదల చేశారు. నవీన్‌ ఎర్నేని, రవి శంకర్‌ యలమంచిలి నిర్మిస్తున్న ఈ సినిమా హీరోగా రామ్‌కి 22వది. ఇంకా టైటిల్‌ ఖరారు చేయలేదు. ఈ సినిమాలో సాగర్‌ పాత్రలో రామ్‌ నటిస్తున్నారు. ‘మీకు సుపరిచితుడు… మీలో ఒకడు… మీ సాగర్‌’ అంటూ రామ్‌ పాత్రను పరిచయం చేశారు దర్శకుడు మహేష్‌ బాబు. రామ్‌ క్యారెక్టర్‌ లుక్‌ చూస్తే వింటేజ్‌ ఫీలింగ్‌ కలుగుతుంది. పాత రోజుల్లో ఉపయోగించే సైకిల్‌, రామ్‌ లాంగ్‌ హెయిర్‌ అండ్‌ క్లీన్‌ షేవ్‌, అన్నింటికీి మించి రామ్‌ ముఖంలో నవ్వు… ఫస్ట్‌ లుక్‌ చూడగానే ఒక ఆహ్లాదకరమైన ఫీలింగ్‌ కలుగుతోంది. ఫస్ట్‌ లుక్‌ విడుదల చేయడంతో పాటు రెగ్యులర్‌ షూటింగ్‌ మొదలైందని దర్శక, నిర్మాతలు తెలిపారు. ప్రస్తుతం హైదరాబాద్‌ సిటీలో చిత్రీకరణ జరుగుతోంది. రామ్‌కి జంటగా భాగ్యశ్రీ బోర్సే కథానాయికగా నటిస్తున్న ఈ చిత్రానికి ప్రొడక్షన్‌ డిజైనర్‌ : అవినాష్‌ కొల్లా, ఎడిటర్‌: శ్రీకర్‌ ప్రసాద్‌, సినిమాటోగ్రఫీ: మధు నీలకందన్‌, మ్యూజిక్‌: వివేక్‌ – మెర్విన్‌, సీఈవో: చెర్రీ, ప్రొడ్యూసర్స్‌: నవీన్‌ ఎర్నేని, రవి శంకర్‌ యలమంచిలి, కథ – కథనం – దర్శకత్వం: మహేష్‌ బాబు పి.
