నవతెలంగాణ బ్యూరో – హైదరాబాద్‌
ఓపెన్‌ పదో తరగతి, ఇంటర్మీడియెట్‌ వార్షిక పరీక్షలకు హాజరయ్యే విద్యార్థులకు ఫీజు చెల్లింపు గడువు ఈనెల 22 వరకు ఉందని రాష్ట్ర ప్రభుత్వం ప్రకటించింది. ఈ మేరకు తెలంగాణ ఓపెన్‌ స్కూల్‌ సొసైటీ (టాస్‌) డైరెక్టర్‌ పివి శ్రీహరి గురువారం ఒక ప్రకటన విడుదల చేశారు. ఆలస్య రుసుం లేకుండా ఈనెల తొమ్మిది నుంచి ఓపెన్‌ టెన్త్‌, ఇంటర్‌ పరీక్షలకు హాజరయ్యే విద్యార్థులు ఫీజు చెల్లించాలని కోరారు. తుది గడువు ఈనెల 22 వరకు ఉందని తెలిపారు. ఆలస్య రుసుం రూ.25తో ఈనెల 29 వరకు, రూ.50తో వచ్చేనెల మూడు వరకు, తత్కాల్‌ పద్ధతిలో అదేనెల ఆరో తేదీ వరకు ఫీజు చెల్లించేందుకు అవకాశముందని వివరించారు. విద్యార్థులు ఈ అవకాశాన్ని వినియోగించుకోవాలని సూచించారు. ఏప్రిల్‌ లేదా మేలో ఓపెన్‌ పదో తరగతి, ఇంటర్‌ పరీక్షలను నిర్వహిస్తామని తెలిపారు. ఇతర వివరాలకు http://telanganaopenschool.org వెబ్‌సైట్‌ను సంప్రదించాలని కోరారు.
Related posts:
ఓపెన్‌ టెన్త్‌, ఇంటర్‌ తత్కాల్‌ ఫీజు గడువు పెంపు
ఎడ్యుకేషన్‌ ఫర్‌ ఆల్‌ కార్యక్రమం ప్రారంభించిన ఆకాష్‌ బైజూస్‌
ఈ సెప్టెంబర్‌లో ఉత్సాహపూరితమైన ఆఫర్లను ప్రకటించిన యమహా
మూత్రంలో ఈ తేడా ఉంటే కిడ్నీలు డేంజర్‌లో ఉన్నట్లే..
స్టూడెంట్స్‌కు సులభంగానే రుణాలు.. కేంద్రం గుడ్ న్యూస్!
నాడు-నేడుతో నేను తెచ్చిన మార్పు ఇదే-విద్య, వైద్యరంగాలపై అసెంబ్లీలో జగన్ కీలక ప్రసంగం