రక్షిత్‌ అట్లూరి హీరోగా రాధికా శరత్‌ కుమార్‌ ముఖ్య పాత్రలో నటిస్తున్న కొత్త సినిమా ‘ఆపరేషన్‌ రావణ్‌’. ఈ చిత్రాన్ని ధ్యాన్‌ అట్లూరి నిర్మాణంలో న్యూ ఏజ్‌ సస్పెన్స్‌ థ్రిల్లర్‌గా దర్శకుడు వెంకట సత్య తెలుగు, తమిళ బాషల్లో రూపొందిస్తున్నారు. సంగీర్తన విపిన్‌ హీరోయిన్‌గా నటిస్తోంది. ఈ సినిమా వారం రోజుల ముందుగా ఈ నెల 26వ తేదీన ప్రపంచవ్యాప్తంగా గ్రాండ్‌ థియేట్రికల్‌ రిలీజ్‌కు రాబోతోంది. ఇటీవల రిలీజ్‌ చేసిన ఈ చిత్ర ట్రైలర్‌కు మంచి రెస్పాన్స్‌ వస్తోంది. సస్పెన్స్‌ థ్రిల్లర్‌ ఎలిమెంట్స్‌తో ట్రైలర్‌ ప్రేక్షకుల్ని ఆకట్టుకుంటోంది. ఈ సినిమాలో రాధికా శరత్‌ కుమార్‌, చరణ్‌ రాజ్‌, తమిళ నటుడు విద్యా సాగర్‌ ఇతర కీలక పాత్రల్లో నటిస్తున్నారు. ఈ సినిమా విజయంపై మూవీ టీమ్‌ కాన్ఫిడెంట్‌గా ఉంది. కాంచి, రాకెట్‌ రాఘవ, రఘు కుంచె, కెఎ పాల్‌ రాము, టీవీ5 మూర్తి, కార్తీక్‌ తదితరులు నటిస్తున్న ఈ చిత్రానికి సంగీతం: శరవణ వాసుదేవన్‌, డైలాగ్స్‌: లక్ష్మీ లోహిత్‌ పూజారి, ఎడిటర్‌: సత్య గిద్దుటూరి, ఆర్ట్‌: నాని.టి, ఫైట్స్‌: స్టంట్‌ జాషువా, కోరియోగ్రఫీ: జేడీ, ఛాయాగ్రహణం: నాని చమిడిశెట్టి, ఎగ్జిక్యూటివ్‌ ప్రొడ్యూసర్‌: శ్రీపాల్‌ చొళ్లేటి, రచన-దర్శకత్వం: వెంకట సత్య.
