‘హుషారు’ వంటి వైవిధ్యమైన చిత్రంతో ప్రేక్షకులను మెప్పించిన హీరో తేజస్‌ కంచర్ల తాజాగా ‘ఉరుకు పటేల’ చిత్రంతో అలరించేందుకు రెడీ అవుతున్నారు. ‘గెట్‌ ఉరికిఫైడ్‌’ అనేది ట్యాగ్‌ లైన్‌. లీడ్‌ ఎడ్జ్‌ పిక్చర్స్‌ బ్యానర్‌పై వివేక్‌ రెడ్డి దర్శకత్వంలో కంచర్ల బాల భాను ఈ సినిమాను నిర్మించారు. సెప్టెంబర్‌ 7న ఈ సినిమాను విడుదల చేస్తున్నారు. సన్నీ కూరపాటి సినిమాటోగ్రఫీ అందించిన ఈ సినిమాకు ప్రవీణ్‌ లక్కరాజు సంగీతాన్ని సమకూర్చారు. ఇప్పటికే ఈ సినిమా నుంచి విడుదలైన టీజర్‌, ‘పట్నం పిల్లా..’ అనే సాంగ్‌కు ప్రేక్షకుల నుంచి సూపర్బ్‌ రెస్పాన్స్‌ వచ్చింది. తాజాగా ఈ సినిమా నుంచి ‘ఓరి మాయలోడా..’ అనే లిరికల్‌ సాంగ్‌ను రిలీజ్‌ చేశారు. హీరోయిన్‌ శ్రీలీల చేతుల మీదుగా ఈ సాంగ్‌ విడుదలైంది. హీరో ప్రేమలో పడిన హీరోయిన్‌ తన మనసులోని ప్రేమను తెలియజేసే సందర్భంలో వచ్చే పాట ఇది. ఈ పాటను స్ఫూర్తి జితేందర్‌ పాడగా, శ్రీనివాస మౌళి రాశారు.
