సోషల్‌ మీడియాలో మా అమ్మాయిల్ని ‘కల్కి’ రికార్డ్స్‌ గురించి అడిగితే రికార్డుల కోసం కాదు సినిమాపై ప్రేమతో చేశామని చెప్పడం చాలా ఆనందంగా ఉంది. తండ్రిగా నేను గొప్ప అదష్టవంతుడిని. మా అమ్మాయిలు స్వప్న, ప్రియాంక వరల్డ్‌ రేంజ్‌ సినిమాని తీశారు. మా వైజయంతి సంస్థని గొప్ప శిఖరాలకి తీసుకెళ్తున్నారు. అంతేకాదు నా వారసత్వాన్ని వాళ్ళు బాగా కొనసాగిస్తున్నందుకు తండ్రిగా గర్వంగా ఉంది. రికార్డ్స్‌ ఎప్పుడూ వస్తూనే ఉంటాయి. కానీ ఈసారి వస్తున్న రికార్డ్స్‌ చాలా అద్భుతం. ఒక్కమాటలో చెప్పాలంటే విప్లవాత్మకంగా ఉన్నాయి. ప్రభాస్‌, అమితాబ్‌ బచ్చన్‌, కమల్‌ హాసన్‌, దీపికా పదుకొనె, దర్శకుడు నాగ్‌ అశ్విన్‌ ఈ అద్భుతాన్ని చేశారు. ఈ విజయాన్ని
ఆస్వాదిస్తున్నాం.
నాగ్‌ అశ్విన్‌ డైరెక్ట్‌ చేసిన సైన్స్‌ ఫిక్షన్‌ ఎపిక్‌ మాగం ఓపస్‌ ‘కల్కి 2898 ఏడి’. అమితాబ్‌ బచ్చన్‌, కమల్‌ హాసన్‌, ప్రభాస్‌, దీపికా పదుకొనె లీడ్‌ రోల్స్‌లో నటించారు. వైజయంతీ మూవీస్‌ బ్యానర్‌ పై నిర్మాత సి.అశ్వనీదత్‌ ప్రతిష్టాత్మకంగా నిర్మించారు. ఈ నెల 27న గ్రాండ్‌గా విడుదలై ప్రపంచ వ్యాప్తంగా అన్ని వర్గాల ప్రేక్షకులను విశేషంగా అలరిస్తోంది. ఈ నేపథ్యంలో నిర్మాత సి.అశ్వినీదత్‌ శనివారం మీడియాతో పలు విశేషాలను షేర్‌ చేసుకున్నారు.
విప్లవాత్మక ఫలితం
కల్కి ఫలితం విషయంలో చాలా చాలా హ్యాపీగా ఉన్నాను. నిన్న మార్నింగ్‌ షో నుంచే.. తెలుగు రాష్ట్రాలు, ముంబయి, మద్రాస్‌, బెంగళూరు, ప్రపంచవ్యాప్తంగా రెవల్యూషనరీ రిపోర్ట్‌ వచ్చింది. నేను ఏదైతే అనుకున్నానో అలాంటి అఖండ విజయం వచ్చింది. హ్యాట్సాప్‌ టు నాగ్‌ అశ్విన్‌.
ఆ నమ్మకంతోనే తీశాం
నాగ్‌ అశ్విన్‌ గత రెండు సినిమాలు చాలా సెన్సిబుల్‌గా ఉంటాయి. తను ఇలాంటి వైల్డ్‌ డెప్త్‌ ఉన్న సబ్జెక్ట్‌ని హ్యాండిల్‌ చేయగలడనే కాన్ఫిడెన్స్‌ రావడానికి కారణం ఏంటంటే, తన మొదటి సినిమా నుంచి తనతో జర్నీ చేస్తున్నాం. తను ఎంత పెద్ద సినిమా అయినా తీయగలడనే కాన్ఫిడెన్స్‌ నాకు మొదటి నుంచి ఉంది. అదే మా అమ్మాయిలతో చెప్పాను. తను ఏ సబ్జెక్ట్‌ చెప్పినా వెంటనే దూకేయమని అన్నాను.
ఎక్కడా జోక్యం చేసుకోను..
నా మొదటి సినిమా ‘ఎదురులేని మనిష’ నుంచి ఇప్పటివరకూ దర్శకుడు చెప్పింది వినడం, తనకు కావల్సినది సమకూర్చడం తప్ప మరో డిస్కర్షన్‌ పెట్టను. ఈసినిమా మొదలైనప్పటి నుంచి ఇప్పటివరకూ ఇంకా ఏం కావాలని అడగడం తప్ప ఎప్పుడూ ఎక్కడా జోక్యం చేసుకోలేదు.
అన్ని పాత్రలూ మెస్మరైజ్‌ చేశాయి
అమితాబ్‌ని నాగ్‌ అశ్విన్‌ చాలా అద్భుతంగా చూపించారు. ఆయన్ని అలాంటి పాత్రలో చూడాలని ప్రేక్షకులు కూడా కోరుకున్నారు. అమితాబ్‌ పాత్ర గురించి దర్శకుడు ఏం అనుకున్నారో అలానే తీస్తారని తెలుసు, అలానే తీశారు కూడా.
నిర్మాతగా గౌరవం ఇస్తూ నా కాళ్ళకి అమితాబ్‌ నమస్కరించినప్పుడు నాకు తలకాయ కొట్టేసినంత పనైంది (నవ్వుతూ). మేము కలిసినప్పుడు పరస్పరం నమస్కరించుకుంటాం. అక్కడితో ఆగిపోతాం. అయితే స్టేజ్‌ మీద మాత్రం ఆయన అలా చేయడం నేను అస్సలు ఊహించలేదు. అమితాబ్‌ లెజెండ్‌. ఇందులో ‘బుజ్జి’ (కారు)ని కూడా ఒక పాత్ర చేశారు.. ఈ ఆలోచన దర్శకుడు చెప్పినపుడు ఆయన విజన్‌ చాలా గొప్పగా ఉందనిపించింది. బుజ్జి పాత్రను సినిమాలో చాలా గొప్పగా ప్రజెంట్‌ చేశారు. ఇక ప్రభాస్‌, దీపికా పదుకొనె, కమల్‌హాసన్‌ పాత్రలూ అద్భుతం చేశాయి.
కమల్‌ ఎంట్రీ తర్వాత..
ఈ కథ అనుకున్నప్పుడే పార్ట్‌ 2 ఐడియా ఉంది. కమల్‌ ఎంటరైన తర్వాత పార్ట్‌ 2ని చేయాలని కచ్చితంగా డిసైడ్‌ అయిపోయాం. కమల్‌ పాత్ర అంత అద్భుతమైనది.
ఈ సినిమా చూసిన తర్వాత చాలా మంది పార్ట్‌2 కోసం ఆతృతగా ఎదురు చూస్తున్నామని చెప్పారు. ఈ సినిమా మాదిరిగానే పార్ట్‌ 2 కూడా వచ్చే ఏడాది ఇదే టైమ్‌లో రిలీజ్‌ ఉండొచ్చని అనుకుంటున్నాను.
ఊహించినట్టే వచ్చింది
కల్కి విషయంలో ఎలాంటి టెన్షన్‌ పడలేదు. మిడ్‌ సమ్మర్‌లో రిలీజ్‌ అయితే బావుంటుందని అనుకున్నాం. మే 9 నుంచి పోస్ట్‌ పోన్‌ అయ్యింది. తర్వాత జూన్‌ 27 కరెక్ట్‌ అనుకుని ఆ డేట్‌కి తీసుకొచ్చాం. నాగీ, స్వప్న, ప్రియాంక ఈ ముగ్గురే కాపీ చూశారు. దేవుడి దయ. సినిమా అద్భుతమైన విజయం సాధించింది. ఈ సినిమా అఖండ విజయం సాధిస్తుందనే లక్ష్యంతోనే తీశాం. ఆ లక్ష్యం నెరవేరింది.
ప్రభాస్‌ నిజంగా డార్లింగే..
ప్రభాస్‌ కోపరేషన్‌ చాలా బావుంది. ఆయన కోపరేషన్‌ లేకపోతే అసలు సినిమా బయటికి రాదు. డార్లింగ్‌ అంటే నిజంగా డార్లింగ్‌ లానే పని చేశారు. ఇక రాజమౌళి-ప్రభాస్‌ ఎపిసోడ్‌ ఫన్నీగా పెట్టాం. బ్రహ్మానందం, రామ్‌ గోపాల్‌ వర్మ క్యామియోస్‌ని కూడా ప్రేక్షకులు బాగా ఎంజారు చేస్తున్నారు.
ఇదొక అద్భుతమైన ప్రయాణం
వైజయంతి మూవీస్‌ సక్సెస్‌ఫుల్‌గా 50 ఇయర్స్‌ కంప్లీట్‌ చేసుకుంది. ఇదొక అద్భుతమైన ప్రయాణం. నా మొదటి సినిమా నుంచి, నేటి కల్కి వరకూ అందరికీ రుణపడి ఉంటాను. నటీనటులు, టెక్నీషియన్స్‌ అందరూ సొంత మనిషిలా నన్ను దగ్గరకు చేర్చుకుని సినిమాలు చేశారు. వైజయంతీ మూవీస్‌లో శ్రీకాంత్‌ అబ్బాయితో ఓ సినిమా, అలాగే దుల్కర్‌ సల్మాన్‌తో ఓ సినిమా చేస్తున్నాం.
