నవతెలంగాణ- పెద్దవంగరబడి బయటి పిల్లలను గుర్తించేందుకు సీఆర్పీలు సర్వే చేపడుతున్నారు. ఇందులో భాగంగా శుక్రవారం గంట్లకుంట ప్రాథమికోన్నత పాఠశాల ప్రధానోపాధ్యాయుడు కన్న శ్రీనివాసరావు, సీఆర్పీ రమాదేవి (ఓఎస్సీ) సర్వే చేపట్టారు. గ్రామంలో శార్ల శైలజ 4వ తరగతి, శార్ల మంజుల, శార్ల శ్రీను 1 వ తరగతిలో గుర్తించి, బడిలో చేర్పించారు. ఈ సందర్భంగా ప్రధానోపాధ్యాయుడు శ్రీనివాసరావు మాట్లాడుతూ..బడి బయట పిల్లలందరినీ తల్లిదండ్రులు పాఠశాలకు పంపించాలని సూచించినట్లు తెలిపారు. కాగా మండలంలో 6 నుంచి, 14, 15, 19 సంవత్సరాల వయస్సు లోపు పిల్లలు పాఠశాలకు వెల్లకుండా ఉన్న వారిని గుర్తించి, సమీప పాఠశాలల్లో చేర్పిస్తున్నారు. ఈ సర్వే వచ్చే ఏడాది జనవరి 10 వరకు కొనసాగనుంది. కార్యక్రమంలో ఉపాధ్యాయులు, అంగన్వాడీ టీచర్స్ పాల్గొన్నారు.
