‘విరూపాక్ష’, ‘బ్రో’ వంటి బ్లాక్‌బస్టర్‌ విజయాల తర్వాత హీరో సాయి దుర్గ తేజ్‌ ఓ పాన్‌ ఇండియా సినిమాలో నటిస్తున్నారు. ఇది ఆయన హీరోగా నటిస్తున్న 18వ చిత్రం. నూతన దర్శకుడు రోహిత్‌ కెపి దర్శకత్వం వహిస్తున్నారు. ‘హనుమాన్‌’ వంటి సెన్సేషనల్‌ పాన్‌ ఇండియా విజయం తర్వాత ప్రైమ్‌షో ఎంటర్‌టైన్‌మెంట్‌ పై నిర్మాతలు కె నిరంజన్‌ రెడ్డి, చైతన్య రెడ్డి ఈ పాన్‌ ఇండియా ప్రాజెక్ట్‌ను హై బడ్జెట్‌తో నిర్మిస్తున్నారు. మేకర్స్‌ లేటెస్ట్‌గా ఓ క్రేజీ అప్డేట్‌ ఇచ్చారు. ఈనెల 12న ఈ చిత్ర టైటిల్‌ అనౌన్స్‌ మెంట్‌, గ్లింప్స్‌ని రిలీజ్‌ చేస్తున్నట్లు తెలియజేశారు. ఇప్పటికే విడుదలైన ‘ఇంట్రూడ్‌ ఇన్‌టు ది వరల్డ్‌ ఆఫ్‌ ఆర్కాడీ’ వీడియోకి ట్రెమండస్‌ రెస్పాన్స్‌ వచ్చింది. ఓ అద్భుతమైన ప్రపంచాన్ని క్రియేట్‌ చేయడంలో ప్రొడక్షన్‌ టీమ్‌ డెడికేషన్‌ని ఈ వీడియో ప్రజెంట్‌ చేసింది. ఇందులో సాయి దుర్గ తేజ్‌ మునుపెన్నడూ చేయని పవర్‌ఫుల్‌ క్యారెక్టర్‌లో నటిస్తున్నారు. ఆయన సరసన హీరోయిన్‌గా ఐశ్వర్య లక్ష్మి నటిస్తోంది. బి.అజనీష్‌ లోక్‌నాథ్‌ మ్యూజిక్‌ అందించనున్నారు. ఈ చిత్రం తెలుగు, తమిళం, హిందీ, కన్నడ, మలయాళ భాషల్లో పాన్‌-ఇండియా విడుదల కానుంది అని చిత్ర యూనిట్‌ తెలిపింది. జగపతిబాబు, శ్రీకాంత్‌, సాయికుమార్‌, అనన్య నాగళ్ల తదితరులు ఇతర ముఖ్యతారాగణం.
