నిండు కుండలు తలపిస్తున్న చెరువులు..

గతం రెండు రోజులు గా ఎడతెరిపి లేకుండా కురుస్తున్న వర్షాలకు నియోజక వర్గంలో చెరువులు,కుంటలు నిండు కుండలను  తలపిస్తున్నాయి. అశ్వారావుపేట మండలం పెద్దవాగు ప్రాజెక్టుకు వరద నీరు చేరింది.19 అడుగులు నీటి సామర్ధ్యం గల ఈ ప్రాజెక్ట్ లోకి 9 అడుగులు వరద నీరు చేరింది అని ఐ.బి ఎఇ కె.ఎన్.బి క్రిష్ణ తెలిపారు. అశ్వారావుపేట – వాగొడ్డుగూడెం రోడ్డు లో వాగొడ్డుగూడెం సమీపంలోని వంతెన పైకి వరద నీరు ప్రవహించడంతో స్థానిక సర్పంచ్ సాధు జ్యోత్స్న బాయి,ఎస్.ఐ రాజేష్ కుమార్ వరద పరిస్థితిని పరిశీలించి ఆ దారిలో రాకపోకలు నిలిపివేసారు.
శుక్రవారం అధికారులు తెలిపిన వర్షపాతం వివరాలు ఈ విధంగా ఉన్నాయి.

అశ్వారావుపేట                        33.6

దమ్మపేట                              43.4

ములకలపల్లి                           53.2

అన్నపురెడ్డిపల్లి                         49.8

చండ్రుగొండ                          40.6