కూర్మనాయకిలో పవర్‌ఫుల్‌ రోల్‌

కూర్మనాయకిలో పవర్‌ఫుల్‌ రోల్‌టాలీవుడ్‌లో తెరకెక్కుతున్న మరో భారీ సోషియో ఫాంటసీ మూవీ ‘కూర్మనాయకి’. ఈ చిత్రాన్ని ఎంఎం క్రియేషన్స్‌, కాలభైరవ ప్రొడక్షన్స్‌తో కలిసి రోషన్‌ ప్రొడక్షన్స్‌ బ్యానర్‌లో కె విజితా రావ్‌ నిర్మిస్తున్నారు. స్నిగ్ధ మణికాంత్‌ రెడ్డి, పూజ సహ నిర్మాతలుగా వ్యవహరిస్తున్నారు. ఇండియన్‌ స్క్రీన్‌ మీద ఇప్పటిదాకా రానటువంటి కథాకథనాలతో ఈ చిత్రాన్ని రూపొందిస్తున్నారు దర్శకుడు హర్షవర్థన్‌ కడియాల.
వరలక్ష్మీ శరత్‌ కుమార్‌, సాయి కుమార్‌, అతిరారాజ్‌, వీటీవీ గణేష్‌ కీ రోల్స్‌లో నటిస్తున్న ఈ చిత్రంలో శివాజీ ఓ ప్రధాన పాత్రను పోషించనున్నారు. శనివారం శివాజీ బర్త్‌ డే సందర్భంగా ఆయన్ని పుట్టినరోజు శుభాకాంక్షలుతో ప్రాజెక్ట్‌లోకి వెల్కమ్‌ చేస్తూ స్పెషల్‌ వీడియో రిలీజ్‌ చేసింది చిత్ర బృందం. శివాజీ ఈ చిత్రంలో పవర్‌ఫుల్‌ రోల్‌ చేస్తున్నట్లు ఈ వీడియో ద్వారా తెలుస్తోంది.
మహావిష్ణు అవతారాల్లోని కూర్మావతారం నేపథ్యంలో భారీ పాన్‌ ఇండియా మూవీగా ఈ చిత్రాన్ని తెరకెక్కిస్తున్నారు దర్శకుడు హర్షవర్థన్‌ కడియాల. అత్యున్నత సాంకేతిక విలువలతో పాటు హై క్వాలిటీ వీఎఫ్‌ఎక్స్‌ షాట్స్‌ ఈ సినిమాకు ఉపయోగిస్తున్నారు. ప్రస్తుతం రెండు షెడ్యూల్స్‌ చిత్రీకరణ పూర్తి అయ్యాయి. మూడో షెడ్యూల్‌లో శివాజీ జాయిన్‌ అయ్యారు. ఈ సినిమాలో ఓ స్టార్‌ హీరో కూడా నటించనున్నారు. ఆయన ఎవరనేది మేకర్స్‌ త్వరలో వెల్లడించనున్నారు.
ఈ చిత్రానికి ఎడిటర్‌ – ఛోటా కె ప్రసాద్‌, సినిమాటోగ్రఫీ – రామ్‌, మ్యూజిక్‌ – శేఖర్‌ చంద్ర.