ధనుష్‌ నటించిన పాన్‌ ఇండియా ఫిల్మ్‌ ‘కెప్టెన్‌ మిల్లర్‌’. అరుణ్‌ మాథేశ్వరన్‌ దర్శకత్వంలో రూపొందిన ఈ చిత్రం సంక్రాంతి కానుకగా ప్రేక్షకుల ముందుకు రానుంది. అన్ని వర్గాల ప్రేక్షకులని ఆకట్టుకునే పీరియాడిక్‌ యాక్షన్‌ డ్రామా ఇది. ఇప్పటికే విడుదలైన టీజర్‌, పాటలకు ట్రెమండస్‌ రెస్పాన్స్‌ వచ్చింది. తాజాగా మేకర్స్‌ ఈ చిత్రంలోని థర్డ్‌ సింగిల్‌ ‘ఘోర హర’ని విడుదల చేశారు. జివి ప్రకాష్‌ ఈ పాట కోసం పవర్‌ ప్యాక్డ్‌ నెంబర్‌ని స్కోర్‌ చేశారు. రాకేందు మౌళి రాసిన ఇంటెన్స్‌ లిరిక్స్‌ ఆకట్టుకున్నాయి. రాహుల్‌ సిప్లిగంజ్‌ ఈ పాటని హై ఎనర్జీ వోకల్స్‌తో ఆలపించారు. పాటలో వింటేజ్‌ విజువల్స్‌ అద్భుతంగా ఉన్నాయి. ధనుష్‌, శివ రాజ్‌కుమార్‌ల ప్రజెన్స్‌ ఎక్సాట్రార్డినరీగా ఉంది.ఈ పాటలో ధనుష్‌ , శివ రాజ్‌ కుమార్‌ కలిసి డ్యాన్స్‌ చేయడం వారి అభిమానులకు మాత్రం కన్నుల పండగే. 1930-40 బ్యాక్‌డ్రాప్‌లో ఈ చిత్రం రూపొందుతోంది. శివ రాజ్‌ కుమార్‌, సందీప్‌ కిషన్‌ పవర్‌ ఫుల్‌ రోల్స్‌లో నటిస్తున్న ఈ చిత్రంలో ప్రియాంకా అరుళ్‌ మోహన్‌ కథానాయిగా నటిస్తోంది. టి.జి. త్యాగరాజన్‌ సత్యజ్యోతి ఫిల్మ్స్‌, సెంధిల్‌ త్యాగరాజన్‌, అర్జున్‌ త్యాగరాజన్‌ నిర్మిస్తున్నారు. జి.శరవణన్‌, సాయి సిద్ధార్థ్‌ సహ నిర్మాతలు. తమిళం, తెలుగు, హిందీ భాషల్లో ఈనెల 12న ఏకకాలంలో గ్రాండ్‌గా ఈ సినిమా విడుదల కానుంది. ఈ చిత్రానికి డీవోపీ: సిద్ధార్థ నుని, ఎడిటింగ్‌: నాగూరన్‌, ఆర్ట్‌: టి.రామలింగం.
