రక్షిత అటవీ భూమికి రక్షణ చర్యలు..

నియోజక వర్గం కేంద్రం అయిన అశ్వారావుపేట లోని రక్షిత అటవీ భూముల రక్షణకు రేంజర్ ఎం.మురళీ చర్యలు చేపట్టారు.ఈయన నేతృత్వంలో అశ్వారావుపేట బీట్, 295 కంపార్ట్ మెంట్ నెంబర్ లో గల భూమికి బుధవారం బౌండరీ స్ట్రెంచ్ ఏర్పాటు చేసారు. ఈ ప్రాంతం లో గతంలోనే కొందరి పేదలకు ప్రభుత్వం నివాస గృహాలకు పట్టాలు ఇచ్చి వికలాంగుల కాలనీ గా నామకరణం చేసింది. అయితే ఈ గృహాలకు అనుకుని ఉన్న మరికొంత భూమిని ఆక్రమించుకుని గృహ నిర్మాణాలు చేపట్టడానికి పలువురు ప్రయత్నిస్తున్నారు. ఈ క్రమంలో లైన్ ఆఫ్ కంట్రోల్ విధానంలో రేంజర్ మురళి యుద్ధప్రాతిపదికన దమ్మపేట,అశ్వారావుపేట రేంజ్ సిబ్బందితో స్ట్రెంచ్ ను తవ్వించారు. ఈ కార్యక్రమంలో ఎఫ్.ఎస్.ఓ లు అరుణ్, సంపత్, రమేష్, శ్రీను లు పాల్గొన్నారు.