– బీఆర్‌ఎస్‌ సీనియర్‌ నేత తాటికొండ రాజయ్య
నవతెలంగాణ బ్యూరో – హైదరాబాద్‌
రాష్ట్రంలో ప్రజారోగ్యం అస్తవ్యస్తంగా, అగమ్యగోచరంగా తయారైందని మాజీ ఉప ముఖ్యమంత్రి, బీఆర్‌ఎస్‌ సీనియర్‌ నేత తాటికొండ రాజయ్య ఆవేదన వ్యక్తం చేశారు. సోమవారం హైదరాబాద్‌లోని తెలంగాణ భవన్‌లో నిర్వహించిన విలేకర్ల సమావేశంలో ఆయన మాట్లాడుతూ కేసీఆర్‌ హయాంలో వైద్యరంగంలో తెలంగాణ నెంబర్‌వన్‌గా నిలిచిందని చెప్పారు. ప్రస్తుతం రాష్ట్రంలో మాతా శిశు మరణాలు పెరిగాయనీ, విష జ్వరాలు విజృంభిస్తున్నాయని తెలిపారు. వాటిపై అధ్యయనం కోసం బీఆర్‌ఎస్‌ తరపున ముగ్గురు సభ్యులతో ఒక అధ్యయన కమిటీని వేశారని వివరించారు. ఈ కమిటీ గాంధీ ఆస్పత్రికి వెళితే పోలీసులు అడ్డుకున్నారని విమర్శించారు. అక్కడికి తాము వెళితే తప్పేంటని ప్రశ్నించారు. రాష్ట్రంలో వైద్య అత్యయిక పరిస్థితిని ప్రకటించాలని ఆయన ఈ సందర్భంగా డిమాండ్‌ చేశారు.
Related posts:
త్వరలో కవితకు కూడా బెయిల్ లభిస్తుంది: కేటీఆర్
కాంగ్రెస్ చెప్పిన తులం బంగారం మాటలకే పరిమితమైంది: హారీష్ రావు
ఒలంపిక్స్ విజేతలకు ప్రత్యేక అభినందనలు తెలిపిన చిరంజీవి
తెలంగాణతో కలిసి పని చేస్తాం: స్టాన్‌ఫోర్డ్ యూనివర్సిటీ ప్రకటన
బైక్ ను ఢీకొన్న ఆర్టీసీ బస్సు.. వ్యక్తి మృతి
స్పీడ్‌ పోస్టులో డ్రగ్స్‌.. సాఫ్ట్‌వేర్‌ ఇంజినీర్‌ అరెస్టు