‘వలయం, గ్యాంగ్‌స్టర్‌ గంగరాజు’ వంటి సినిమాలతో మాస్‌ హీరోగా లక్ష్‌ చదలవాడ అందరినీ ఆకట్టుకున్నారు. లేటెస్ట్‌గా మరో మాస్‌ యాక్షన్‌ ఎంటర్టైనర్‌ ‘ధీర’తో ఆడియెన్స్‌ ముందుకు రాబోతున్నారు. ఈ మూవీని చదలవాడ బ్రదర్స్‌ సమర్పణలో శ్రీ తిరుమల తిరుపతి వెంకటేశ్వర బ్యానర్‌ పై పద్మావతి చదలవాడ నిర్మిస్తున్నారు. విక్రాంత్‌ శ్రీనివాస్‌ దర్శకత్వం వహిస్తున్నారు. రీసెంట్‌గా మేకర్స్‌ రిలీజ్‌ చేసిన ట్రైలర్‌కి విశేష స్పందన లభిస్తోంది. ఈ ట్రైలర్‌లోని విజువల్స్‌, డైలాగ్స్‌, హీరోకి ఇచ్చిన ఎలివేషన్స్‌, లవ్‌, యాక్షన్‌ ఇలా అన్ని అంశాలు హైలెట్‌ అవుతున్నాయి. ‘ఈ మనిషి బ్రెయిన్‌ ఉంది చూడు అది వెరీ డేంజరస్‌’.. అనే డైలాగ్స్‌తో ట్రైలర్‌ స్టార్ట్‌ అవుతుంది. ‘రాజ్‌ గురుని మన అటాక్‌ నుంచి కాపాడాలంటే.. రథం నడిపే కష్ణుడితో పాటు.. యుద్దం చేసే రాముడు రావాలి.. ఎవడైనా ఉంటాడా?’ అనే డైలాగ్‌తో హీరో ఇంట్రడక్షన్‌ ఇవ్వడం అదిరిపోయింది. హీరోని చూపించిన తీరు ఆకట్టుకుంటుంది. ‘నేను యుద్దం చేయడం ఏంట్రా.. యుద్దమే మిమ్మల్ని వెంటాడుతూ వేటాడుతూ వస్తోంది.. రూ. 25 లక్షలతో మొదలైన నా జర్నీ రూ.2500 కోట్లకు చేరింది..’ అంటూ చివరి డైలాగ్‌తో సినిమా మీద అంచనాలు పెంచేశారు. అన్ని కార్యక్రమాలు పూర్తి చేసుకున్న ఈ చిత్రం ఫిబ్రవరి 2న గ్రాండ్‌గా విడుదల కానుంది.
