– జోగిపేటలో బైక్‌ ర్యాలీ
నవతెలంగాణ జోగిపేట
2024 జనవరి 1 నాటికి 18 సంవత్సరాలు నిండిన ప్రతి ఒక్కరు ఓటరుగా నమోదు చేసుకోవాలని అందోల్‌ జోగిపేట ఆర్డీవో పాండు సూచించారు. ఓటరు అవగాహన కార్యక్రమంలో భాగంగా బుధవారం జోగిపేట పట్టణంలోని క్లాక్‌ టవర్‌ నుంచి అందోల్‌ వరకు బైక్‌ ర్యాలీ నిర్వహించారు. ఈ కార్యక్రమాన్ని ప్రారంభించిన అనంతరం ఆయన మాట్లాడుతూ ఈ నెల 20,21 తేదీలలో కొత్త ఓటరు నమోదు కొరకు ప్రత్యేక ప్రచార కార్యక్రమాలు చేపట్టనున్నట్లు వెల్లడించారు. ప్రతి పోలింగ్‌ బూత్‌ లో బీఎల్‌ఓ లు అందుబాటులో ఉంటారని, ఇప్పటికి ఓటరుగా నమోదుకానీ వారు, ఈ అవకాశాన్ని సద్వినియోగం చేసుకోవాలని కోరారు. ఈ కార్యక్రమంలో తహశీల్దార్‌ ఆంటోనీ, ఎస్సై అరుణ్‌ కుమార్‌, డిగ్రీ కళాశాల అధ్యాపకులు ఏ. గోపాల్‌, మున్సిపల్‌ సానిటరీ ఇన్స్పెక్టర్‌ వినరు కుమార్‌, ఆయా శాఖల అధికారులు నజీర్‌, నారాయణ, మేప్మా టీఎంసీ బిక్షపతి గౌడ్‌ ,వర్క్‌ ఇన్స్పెక్టర్‌ మహేందర్‌ తదితరులు పాల్గొన్నారు.
Related posts:
Tips To Improve General Knowledge: జనరల్ నాలెడ్జ్ పెంచుకోవాలా.. అయితే ఈ చిట్కాలు పాటించండి..
ఉపాధి హామీ పనులను సద్వినియోగం చేసుకోవాలి
స్వాములకు బీక్ష నిర్వహిస్తున్న గ్రామ సర్పంచ్ పర్శారాములు
ఉచిత కంప్యూటర్ శిక్షణను సద్వినియోగం చేసుకోవాలి
సమానత్వానికి నిలువెత్తు నిదర్శనం’సుందరయ్య’
పూర్వ విద్యార్థి కుమార్తె వైద్య చికిత్సకు తోటి విద్యార్థులు ఆర్థిక సాయం