హీరో సందీప్‌ కిషన్‌, డైరెక్టర్‌ విఐ ఆనంద్‌ కాంబోలో రూపొందిన ఫాంటసీ అడ్వెంచర్‌ ‘ఊరు పేరు భైరవకోన’. హాస్య మూవీస్‌ బ్యానర్‌పై రాజేష్‌ దండా నిర్మిస్తుండగా, ఎకె ఎంటర్‌టైన్‌మెంట్స్‌ బ్యానర్‌పై అనిల్‌ సుంకర సమర్పిస్తున్నారు. బాలాజీ గుత్తా ఈ చిత్రానికి సహ నిర్మాత. ఈ చిత్ర రిలీజ్‌ డేట్‌కి సంబంధించిన అప్‌డేట్‌ని బుధవారం మేకర్స్‌ ఇచ్చారు. ఈ చిత్రాన్ని ఫిబ్రవరి 9న ప్రపంచవ్యాప్తంగా గ్రాండ్‌గా విడుదల చేస్తున్నట్లు అనౌన్స్‌ చేశారు. సందీప్‌ కిషన్‌ మంత్రదండం పట్టుకుని కనిపించిన రిలీజ్‌ డేట్‌ పోస్టర్‌ చాలా క్యూరియాసిటీని పెంచింది. ఇందులో సూపర్‌ నేచురల్‌ ఎలిమెంట్స్‌ ఉన్నాయని, టీజర్‌ సినిమా ప్రిమైజ్‌ని అద్భుతంగా ప్రజెంట్‌ చేసింది. ఈ చిత్రానికి శేఖర్‌ చంద్ర సంగీతం అందించారు. మొదటి రెండు పాటలు- నిజమే నే చెబుతున్నా, హమ్మా హమ్మా ఇప్పటికే చార్ట్‌బస్టర్‌గా నిలిచాయి. వర్ష బొల్లమ్మ, కావ్యా థాపర్‌ కథానాయికలుగా నటిస్తున్న ఈ చిత్రానికి రాజ్‌ తోట సినిమాటోగ్రఫీ అందిస్తున్నారు. ఛోటా కె ప్రసాద్‌ ఎడిటర్‌, ఎ రామాంజనేయులు ఆర్ట్‌ డైరెక్టర్‌. భాను భోగవరపు, నందు సవిరిగాన ఈ చిత్రానికి సంభాషణలు అందిస్తున్నారు. ‘సందీప్‌ కిషన్‌, విఐ ఆనంద్‌ కాంబినేషన్‌కి పరిశ్రమలో మంచి క్రేజ్‌ ఉంది. వీరిద్దరి కలయికలో వస్తున్న సినిమా కావడంతో అందరిలో భారీ అంచనాలు ఉన్నాయి. ఆ అంచనాలకు దీటుగా సినిమా ఉంటుందని మేకర్స్‌ ధీమా వ్యక్తం చేస్తున్నారు. సరికొత్త కథతో ఎవ్వరూ ఊహించని మలుపులతో సాగే ఈ ఫాంటసీ అడ్వెంచర్‌ సినిమా ప్రతి ఒక్కరినీ విశేషంగా అలరిస్తుంది విజువల్స్‌ ఆహా అనేలా ఉంటాయి. అన్ని వర్గాల ప్రేక్షకుల్ని మెస్మరైజ్‌ చేసేలా ఉండే ఈ చిత్రం ఈ ఏడాది విజయవంతమైన చిత్రాలుగా నిలిచే వాటిల్లో కచ్చితంగా నిలుస్తుంది. ఫిబ్రవరి 9న ఈ సినిమాని విడుదల చేస్తున్నారు’ అని చిత్ర బృందం తెలిపింది.
