జైపూర్‌ : రాజస్థాన్‌ లో అసెంబ్లీ ఎన్నికల నేపథ్యంలో బరిలో బంధుగణమే కనిపిస్తోంది. ఈసారి అధికార తపనతో కొన్ని చోట్ల భార్యాభర్తలు పోటీలో ఉండగా, తండ్రికి వ్యతిరేకంగా కూతురు ఎన్నికల్లో పోటీ చేస్తోంది. ఈసారి రాజకీయాలకు సంబంధించి పలు చోట్ల ఆసక్తికర పోటీలు చోటుచేసుకోనున్నాయి. దీనిపై రాజకీయాల్లో జోరుగా చర్చ సాగుతోంది. ఎన్నికల సమయంలో బంధుత్వాల పోటీని ప్రజలు ఆసక్తిగా చూస్తున్నారు. ఈ అసెంబ్లీ స్థానాల ఎన్నికల ఫలితాలు ఎలా ఉంటాయనే చర్చ ప్రజల్లో నెలకొంది.
అల్వార్‌లో తండ్రికి వ్యతిరేకంగా కూతురు…
అల్వార్‌ రూరల్‌ అసెంబ్లీ స్థానం వార్తల్లో నిలుస్తోంది. ఈ ఎన్నికల్లో బీజేపీ అభ్యర్థి జైరామ్‌ జాతవ్‌పై ఆయన కుమార్తె మీనా కుమారి స్వతంత్ర అభ్యర్థిగా పోటీ చేస్తున్నారు. తండ్రీకూతుళ్ల మధ్య పాత గొడవలు జరుగుతున్నట్లు సమాచారం. అందుకే ఈ బంధాల పోరు ఇప్పుడు ఎన్నికల రంగంలోనూ కనిపించనుంది.
ధోల్‌పూర్‌ స్థానానికి గోదాలో అన్నదమ్ములు
ధోల్‌పూర్‌ అసెంబ్లీ సీటుపై అన్నదమ్ములు, కోడలు మధ్య ఆసక్తికర పోటీ నెలకొంది. ఇందులో కాంగ్రెస్‌ టికెట్‌పై సిట్టింగ్‌ ఎమ్మెల్యే శోభారాణి కుష్వాహా ఎన్నికల రంగంలో తన బావ, బీజేపీ అభ్యర్థి శివచరణ్‌ కుష్వాహాకు గట్టి పోటీ ఇస్తున్నారు.
ఖండార్‌లో తండ్రీకొడుకుల మధ్య పోటీ
సవారు మాధోపూర్‌లోని ఖండార్‌ అసెంబ్లీ నుంచి ఈసారి కూడా ఆసక్తికరమైన పోటీ కనిపిస్తోంది. ఇక్కడ కూడా కాంగ్రెస్‌ అభ్యర్థి అశోక్‌ బైర్వా తన తండ్రి దాల్‌చంద్‌ నుండి స్వతంత్ర సవాలును ఎదుర్కొంటున్నారు. రాజకీయం ఈ సీటుపై కన్నేసింది.
దంతారామ్‌గఢ్‌ నుంచి భార్యాభర్తల మధ్య పోటీ
దంతారామ్‌గఢ్‌ అసెంబ్లీ స్థానం నుంచి ఇప్పటివరకు అత్యంత ఆసక్తికర పోటీ నెలకొంది. ఇందులో భార్యాభర్తలు ఎన్నికల రంగంలో ప్రత్యర్థులుగా పోటీ చేస్తున్నారు.ఇక్కడ నుంచి కాంగ్రెస్‌ అభ్యర్థి విజయేంద్ర సింగ్‌ జననాయక్‌ పార్టీ నుంచి తన సొంత భార్య రీటా చౌదరితో తలపడుతున్నారు. భార్యాభర్తల మధ్య గొడవలు జరుగుతున్నట్లు సమాచారం.
భద్ర నియోజకవర్గంలో బాబాయ్, అబ్బాయ్ మధ్య పోటీ
భద్ర అసెంబ్లీ స్థానంలో బీజేపీ టికెట్‌పై సంజీవ్‌ బేనీవాల్‌ పోటీ చేయగా, ఆయన అబ్బారు అజిత్‌ బేనీవాల్‌ కాంగ్రెస్‌ తరఫున పోటీ చేస్తున్నారు. అదేవిధంగా, మనీషా గుర్జార్‌ కాంగ్రెస్‌ టిక్కెట్‌పై ఖేత్రీ అసెంబ్లీ స్థానం నుంచి పోటీ చేయగా, ఆమె బీజేపీ టిక్కెట్‌పై బాబారు ధరంపాల్‌ నుంచ్‌ సవాలును ఎదుర్కొంటున్నారు. నాగౌర్‌ సీటులో కూడా బీజేపీ టిక్కెట్టుపై జ్యోతి మిర్ధా పోటీ చేయగా,ఆమె మామ హరేంద్ర మిర్ధాకు కాంగ్రెస్‌ టిక్కెట్‌ ఇచ్చి రంగంలోకి దింపింది.
బస్సీ నియోజకవర్గంలో మాజీ ఐఏఎస్‌-ఐపీఎస్‌ బంధువుల మధ్య పోటీ
బస్సీ నియోజకవర్గంలో బీజేపీ నుంచి మాజీ ఐఏఎస్‌ చంద్రమోహన్‌ మీనా పోటీ చేస్తున్నారు. కాగా, ఆయన బంధువు, స్నేహితుడు మాజీ ఐపీఎస్‌ లక్ష్మణ్‌ మీనా కాంగ్రెస్‌ నుంచి టికెట్‌ తీసుకుని ఆయనను ఓడించారు. లక్ష్మణ్‌ మీనా కూడా బస్సీ అసెంబ్లీ నుంచి ప్రస్తుతం ఎమ్మెల్యేగా ఉన్నారు. గతసారి ఈ స్థానం నుంచి స్వతంత్ర అభ్యర్థిగా పోటీ చేశారు. అలాగే భారీ మెజార్టీతో గెలుపొందింది.
