విలేజ్‌ బ్యాక్‌ డ్రాప్‌ లవ్‌ స్టోరీలోని సహజత్వాన్ని ఉట్టి పడేలా ‘రాధా మాధవం’ సినిమాను తెరకెక్కిం చారు. వినాయక్‌ దేశారు, అపర్ణా దేవీ హీరో, హీరో యిన్లుగా గోనాల్‌ వెంకటేష్‌ నిర్మించిన ఈ అందమైన ప్రేమ కథా చిత్రానికి దాసరి ఇస్సాకు దర్శకత్వం వహించారు. వసంత్‌ వెంకట్‌ బాలా కథ, మాటలు, పాటలు అందించారు. షూటింగ్‌ కంప్లీట్‌ చేసుకున్న ఈ మూవీ ట్రైలర్‌ను హీరో శ్రీకాంత్‌ రిలీజ్‌ చేశారు.
ఈ సందర్భంగా ఆయన మాట్లాడుతూ, ‘ట్రైలర్‌ చూస్తే అందమైన ప్రేమ కథా చిత్రమని తెలుస్తోంది. ట్రైలర్‌ చాలా బాగుంది. ఈ సినిమా పెద్ద విజయం సాధించాలి. హీరో, దర్శక, నిర్మాతలకు మంచి గుర్తింపు తీసుకురావాలి’ అని చెప్పారు. ‘మా సినిమా ట్రైలర్‌ను హీరో శ్రీకాంత్‌ రిలీజ్‌ చేయడం ఆనందంగా ఉంది. ఈనెలలోనే మా సినిమా రాబోతోంది. ఆడియెన్స్‌ మా సినిమాను చూసి సక్సెస్‌ చేయాలి’ అని నిర్మాత గోనాల్‌ వెంకటేష్‌ అన్నారు. దర్శకుడు ఇస్సాకు మాట్లాడుతూ, ‘ఓ మంచి పాయింట్‌తో రూపొందిన ఈ సినిమా కచ్చితంగా విజయం సాధిస్తుందనే నమ్మకంతో ఉన్నాం. ప్రస్తుతం సెన్సార్‌ కార్యక్రమాలు జరుగుతున్నాయి’ అని తెలిపారు.
