హీరో నితిన్‌, దర్శకుడు వెంకీ కుడుముల కాంబినేషన్‌లో రూపొందుతున్న చిత్రం ‘రాబిన్‌హుడ్‌’ విడుదలకు సిద్ధమవుతున్న ఈ క్రేజీ హై-బడ్జెట్‌ మూవీని మైత్రీ మూవీ మేకర్స్‌ నిర్మిస్తున్నారు. గురురవారం మేకర్స్‌ చిత్ర టీజర్‌ను రిలీజ్‌ చేశారు. పవర్‌ఫుల్‌ వాయిస్‌ఓవర్‌తో టీజర్‌ ప్రారంభమైంది. నితిన్‌ హై-ఫై ఇళ్లను లక్ష్యంగా చేసుకుని, అడ్వంచరస్‌ దోపిడీలను చేసే మోడరన్‌ రాబిన్‌హుడ్‌గా పరిచయం అయ్యారు. అతనికి ప్రత్యేకమైన ఎజెండా లేదా నిర్దిష్ట కారణం ఏమీ ఉండదు. అతని ఏకైక లక్ష్యం డబ్బు కొల్లగొట్టడం. ఇలాంటి పరిస్థితుల్లో పవర్‌ఫుల్‌ కుటుంబ నేపథ్యం ఉన్న శ్రీలీలని ఇష్టపడతాడు. ఇది ఇప్పటికే డేంజర్‌లో ఉన్న అతని లైఫ్‌ని మరింత కాంప్లికేట్‌ చేస్తుంది.
వెంకీ కుడుముల ప్రతి ప్రమోషన్‌ మెటీరియల్‌లో, నెరేటివ్‌లో తనదైన మార్క్‌ చూపిస్తున్నారు. ఈసారి టీజర్‌ నితిన్‌ పాత్రపై మరింత ఇన్‌సైట్‌ని అందిస్తూ, మూవీ ప్రిమైజ్‌ని గ్లింప్స్‌గా అందిస్తుంది. వినోదం, యాక్షన్‌, బ్రెత్‌ టేకింగ్‌ మూమెంట్స్‌ బ్లెండ్‌తో దర్శకుడు ప్రేక్షకులను కట్టిపడేశాడు. రాబిన్‌హుడ్‌గా నితిన్‌ అదరగొట్టారు. డిఫరెంట్‌ లుక్స్‌తో డైనమిక్‌ పెర్ఫార్మెన్స్‌ అందించాడు. ఒక సీన్‌లో నిజమైన దేశభక్తుడు ఏజెంట్‌ రాబిన్‌హుడ్‌, మరో సీన్‌లో అరబ్‌ షేక్‌గా కనిపించిన తీరు విశేషంగా అలరించింది.
సినిమా రెండు విభిన్న కోణాలను, నితిన్‌ వెర్సటాలిటీని హైలెట్‌ చేస్తుంది. శ్రీలీల రిచ్‌ అండ్‌ ఎరోగేంట్‌ గర్ల్‌గా తన పాత్రలో అలరించింది. రాజేంద్రప్రసాద్‌, వెన్నెల కిషోర్‌, షైన్‌ టామ్‌ చాకో పాత్రలను కూడా టీజర్‌ పరిచయం చేసింది. సాయి శ్రీరామ్‌ తన అద్భుతమైన కెమెరా పనితనంతో రిచ్‌ నెస్‌ తీసుకొచ్చారు. జీవీ ప్రకాష్‌ కుమార్‌ మెస్మరైజ్‌ చేసే బ్యాక్‌ గ్రౌండ్‌ స్కోర్‌తో భావోద్వేగాలను ఎలివేట్‌ చేశాడు. మైత్రీ మూవీ మేకర్స్‌ ప్రొడక్షన్‌ వాల్యూస్‌ టాప్‌ క్లాస్‌లో ఉన్నాయి. డిసెంబర్‌ 25న క్రిస్మస్‌ కానుకగా విడుదల కానున్న సినిమాపై ఈ టీజర్‌ అంచనాలను పెంచింది అని చిత్ర యూనిట్‌ తెలిపింది. నితిన్‌, శ్రీలీల, రాజేంద్రప్రసాద్‌, వెన్నెల కిషోర్‌ తదితరులు నటిస్తున్న ఈచిత్రానికి సిఈఓ : చెర్రీ, సంగీతం: జీవీ ప్రకాష్‌ కుమార్‌, డీవోపీ : సాయి శ్రీరామ్‌, ఎడిటర్‌: కోటి, ఆర్ట్‌ డైరెక్టర్‌: రామ్‌ కుమార్‌, ఎగ్జిక్యూటివ్‌ ప్రొడ్యూసర్‌: హరి తుమ్మల, లైన్‌ ప్రొడ్యూసర్‌: కిరణ్‌ బళ్లపల్లి.
