సుహాస్‌, సంగీర్తన హీరో, హీరోయిన్లుగా రూపొందిన చిత్రం ‘జనక అయితే గనక’. శిరీష్‌ సమర్పణలో దిల్‌రాజు ప్రొడక్షన్స్‌ పతాకంపై హర్షిత్‌ రెడ్డి, హన్షిత రెడ్డి నిర్మించారు. సందీప్‌ రెడ్డి బండ్ల డైరెక్ట్‌ చేశారు. ఈ సినిమా దసరా సందర్భంగా ఈనెల 12న విడుదల కానుంది. ఈ నేపథ్యంలో దిల్‌ రాజు మాట్లాడుతూ, ‘ఈనెల 6న విజయవాడలో పబ్లిక్‌ షో వేస్తున్నాం. 8వ తేదీన తిరుపతిలో షో వేస్తున్నాం. హ్యాపీ డేస్‌, శతమానం భవతి చిత్రాలు ఓవర్సీస్‌లో ముందుగా రిలీజ్‌ చేశాను. ఆ సెంటిమెంట్‌తోనే ఇప్పుడు కూడా ఈ మూవీని ముందుగా అంటే ఈనెల 10న ఓవర్సీస్‌లో రిలీజ్‌ చేస్తున్నాను. 11న ఇక్కడ ప్రీమియర్లు వేసి.. 12న గ్రాండ్‌గా రిలీజ్‌ చేయనున్నాం. నాన్‌ థియేట్రికల్‌ బిజినెస్‌ పూర్తయింది. డిజిటల్‌, హిందీ డబ్బింగ్‌, ఓటీటీ ఇలా అన్నీ కూడా పూర్తయ్యాయి. మా సినిమా పూర్తి వినోదాత్మకంగా సాగుతుంది’ అని అన్నారు. ‘ఏ ఒక్కర్నీ కూడా ఈ సినిమా నిరాశ పర్చదు. ఇప్పటి వరకు సినిమా చూసిన వాళ్లంతా కూడా బాగుందని చెబుతున్నారు’ అని హీరో సుహాస్‌ చెప్పారు. హర్షిత్‌ రెడ్డి మాట్లాడుతూ, ‘ఈ చిత్రం మాకు చాలా స్పెషల్‌. ఐడియాలజీని నమ్మి ముందుకు వెళ్లండని సాయి దుర్గ తేజ్‌ చెబుతుంటారు. మా సినిమా అంతా కూడా ఐడియాలజీల మీదే ప్రయాణం ఉంటుంది. ఫాదర్‌, గ్రాండ్‌ మదర్‌, వైఫ్‌, హజ్బెండ్‌ ఇలా అందరి కోణంలోనూ ఈ చిత్రం ఉంటుంది’ అని అన్నారు. డైరెక్టర్‌ సందీప్‌ రెడ్డి బండ్ల మాట్లాడుతూ, ‘నా ఫేవరేట్‌ నా పెళ్లాం పాట బాగా వైరల్‌ అయింది. సుమ, రాజీవ్‌ కనకాల, ఆట సందీప్‌ రీల్స్‌ చేశాక మరింత వైరల్‌ అయింది. సినిమా కూడా అందరికీ నచ్చుతుందని ఆశిస్తున్నాను’ అని చెప్పారు.
