నారా రోహిత్‌ హీరోగా జర్నలిస్ట్‌ మూర్తి దేవగుప్తపు దర్శకుడుగా పరిచయం అవుతున్న తెరకెక్కిస్తున్న చిత్రం ‘ప్రతినిధి 2’. ఈ నెల 25న థియేటర్లలో విడుదల కానుంది. వానరా ఎంటర్టైన్మెంట్స్‌, రానా ఆర్ట్స్‌ పతాకాలపై కుమార్‌ రజా బత్తుల, ఆంజనేయులు శ్రీ తోట, సురేంద్రనాథ్‌ బొల్లినేని నిర్మిస్తున్నారు. ఈ చిత్రం నుండి మొదటి సింగిల్‌- గల్లా యెత్తిని విడుదల చేయడంతో చిత్ర యూనిట్‌ మ్యూజిక్‌ ప్రమోషన్లను ప్రారంభించింది. ఈ మాస్‌ నంబర్‌ను మహతి స్వర సాగర్‌ స్కోర్‌ చేశారు. కాసర్ల శ్యామ్‌ సాహిత్యం సమాజంలో మంచి చెడుల గురించి ఆలోచింపజేసేలా ఉంది. రామ్‌ మిరియాల వాయిస్‌ మంత్రముగ్ధులను చేసింది. భాను మాస్టర్‌ కొరియోగ్రఫీలో నారా రోహిత్‌ ఉత్సాహంగా కనిపిస్తూ డాన్స్‌ మూవ్స్‌ కూడా చాలా బాగా చేశారు. ‘గల్లా ఎత్తి..’ పాట సినిమా ప్రమోషన్స్‌కి సరైన ప్రారంభాన్ని ఇచ్చింది అని చిత్ర యూనిట్‌ తెలిపింది. ‘ప్రతినిధి 2’ అనేది ప్రతినిధి సిరీస్‌ నుండి రెండవ ఫ్రాంచైజీ. నిజాయితీ గల న్యూస్‌ రిపోర్టర్‌ పాత్రలో నారా రోహిత్‌ నటించాడు. సిరీ లెల్లా కథానాయికగా నటిస్తుండగా దినేష్‌ తేజ్‌, సప్తగిరి, జిషు సేన్గుప్తా, సచిన్‌ ఖేడేకర్‌ కీలక పాత్రల్లో కనిపించనున్నారు. ఈ చిత్రానికి సంగీతం: మహతి స్వర సాగర్‌, ఎడిటర్‌: రవితేజ గిరిజాల, డిఓపి : నాని చమిడిశెట్టి.
