– ఆర్టీఐ 2025 సంవత్సరం క్యాలెండర్ ఆవిష్కరణలో మహాముత్తారం ఎంపిడిఓ శ్రీనివాసరావు
నవతెలంగాణ మల్హర్ రావు/మహాముత్తారం: యునైటెడ్ ఫోరమ్ పర్ (ఆర్టీఐ) సమాచార హక్కు చట్టాన్ని ఆయుధంగా వాడుకుంటూ, అవినీతి నిర్మూలనకు ప్రతి ఒక్కరు తమ వంతు కృషి చేయాలని మహాముత్తారం ఎంపిడిఓ శ్రీనివాసరావు పిలుపునిచ్చారు. బుధవారం ఎంపిడిఓ కార్యాలయంలో సమాచార హక్కు చట్టం రక్షణ వేదిక 2025 క్యాలెండర్ ను ఆవిష్కరించారు. ఈ సందర్భంగా ఎంపిడిఓ మాట్లాడుతూ.. అవినీతికి అడ్డుకట్ట వేసేందుకు సమాచార హక్కు చట్టం చట్టాన్ని ఆయుధంగా వినియోగించుకొని ప్రతి ఒక్కరూ అవినీతి నిర్మూలనకు నడుం బిగించాలన్నారు.అవినీతి అక్రమాలను ఎదుర్కొనేందుకు యువత, రైతులు, ప్రజలు సమాచార హక్కు చట్టాన్ని వినియోగించుకొని పేద ప్రజలకు న్యాయం చేసే విధంగా ముందుకు నడవాలని,ఈ చట్టాన్ని దుర్వినియోగం కాకుండా చూడవలసిన బాధ్యత అందరిపై ఉందన్నారు. పాలనలో పారదర్శకత అధికారులు జవాబుదారితనం ఉండాలని కాటారం సబ్ డివిజన్ కన్వీనర్ చింతల కుమార్ యాదవ్ అన్నారు.ఈ కార్యక్రమంలో ఆర్టీఐ మహాముత్తారం మండల కన్వీనర్ కాసర్ల రాజ్ కుమార్, సభ్యుడు రాజసమ్మయ్య,ఎంపిడిఓ సిబ్బంది పాల్గొన్నారు.
