ఆది సాయికుమార్‌ హీరోగా, జె.డి.చక్రవర్తి, సత్యరాజ్‌ ప్రధాన పాత్రలలో 9 స్టార్‌ ఎంటర్టైన్మెంట్‌ బ్యానర్‌లో తెరకెక్కనున్న పాన్‌ ఇండియా చిత్రం ‘రుధిరాక్ష’. శివ శంకర్‌ దేవ్‌ దర్శకత్వం వహిస్తున్న ఈ చిత్రాన్ని రాజు జువ్వల నిర్మిస్తున్నారు. డార్క్‌, థ్రిల్లర్‌ నేపథ్యంలో రూపొందనున్న ఈ చిత్రానికి సంబంధించిన పూజా కార్యక్రమం రామానాయడు స్టూడియోలో ఘనంగా జరిగింది. ముహూర్తపు సన్నివేశానికి సముద్రఖని క్లాప్‌ కొట్టగా, రామ్‌ తాళ్లూరి కెమరా స్విచాన్‌ చేశారు. ఫస్ట్‌ షాట్‌కు డైరెక్టర్‌ దేవ్‌ దర్శకత్వం వహించారు. ‘యానిమల్‌’ ఫేం హర్షవర్షన్‌ రామేశ్వర్‌ సంగీతం అందిస్తున్నారు. కిశోర్‌ బోయిదాపు డీవోపీగా పని చేస్తున్న ఈ చిత్రానికి విజరు కష్ణ ఆర్ట్‌ డైరెక్టర్‌. పవన్‌ హిమాన్షు, బాలు మహేంద్ర మాటలు అందిస్తున్నారు. ఈ సినిమా రెగ్యులర్‌ షూటింగ్‌ రామోజీ ఫిల్మ్‌ సిటీలో ప్రారంభం కానుంది. ఈ చిత్రానికి సంబంధించి మరిన్ని వివరాలు త్వరలోనే తెలియనున్నాయి.
