పారిశుద్ధ కార్మికులు ఆరోగ్యంగా ఉండాలి..

పారిశుద్ధ కార్మికులు ఆరోగ్యంగా ఉంటేనే పట్టణం పరిశుభ్రతగా ఉంటుందని హుస్నాబాద్ మున్సిపల్ చైర్మన్ ఆకుల రజిత అన్నారు. గురువారం మున్సిపల్ కార్యాలయంలో  పారిశుద్ధ్య కార్మికులకు మమత కంటి హాస్పిటల్  ఆధ్వర్యంలో ఉచిత కంటి పరీక్ష శిబిరాన్ని ఏర్పాటు చేశారు. ఈ సందర్భంగా మాట్లాడుతూ కార్మికులందరూ హెల్త్ క్యాంప్ నిర్వహించినప్పుడు ఉపయోగించుకోవాలని సూచించారు.  ప్రతి రెండు మూడు నెలలకు ఒకసారి అయినా హెల్త్ చెకప్ చేసుకోవాలని తెలిపారు.  ఈ కార్యక్రమంలో కౌన్సిలర్ లు బొజ్జ హరీష్ , సుప్రజ నవీన్ రావు , సానిటరీ ఇన్స్పెక్టర్ బాల ఎల్లం , వైద్యాధికారులు డాక్టర్ మమత రెడ్డి , శ్రీకాంత్ అరుణ్, సాయి, భాస్కర్ గౌడ్, జవాన్లు సారయ్య, ప్రభాకర్ మున్సిపల్ సిబ్బంది పాల్గొన్నారు.