ఈ సంవత్సరం గోవాలో సంతోషం ఫిలిం అవార్డ్స్‌ నిర్వహిస్తున్న సందర్భంగా సంతోషం అధినేత సురేష్‌ కొండేటి మీడియాతో మాట్లాడుతూ, ‘డిసెంబర్‌ 2న గోవాలో సంతోషం ఫిలిం అవార్డ్స్‌ని చాలా గ్రాండ్‌గా నిర్వహించ బోతున్నాం మాకు సహకరిస్తున్న మీడియా, ఇండిస్టీ, అలాగే అందరు హీరోల అభిమానులకి కతజ్ఞతలు. సంతోషం ఓటీటీ అవార్డ్స్‌ కూడా మొట్టమొదటిగా మొదలుపెట్టింది సంతోషం సంస్థే. ఈ సంవత్సరం కూడా ఈ నెల 18వ తారీఖున ఓటీటీ అవార్డ్స్‌ని అలాగే డిసెంబర్‌ 2న గోవాలో సంతోషం ఫిల్మ్‌ అవార్డ్స్‌ని ఘనంగా నిర్వహించబోతున్నాం. సంతోషం సంస్థ నుంచి 20 సంవత్సరాలు పాటు అవార్డులు కొనసాగించాలని అనుకున్నాను. ఇప్పటికి 20 సంవత్సరాలు దగ్గర అయింది. ఇంకో మూడు సంవత్సరాలు కచ్చితంగా అవార్డ్స్‌ ఫంక్షన్‌ నిర్వహిస్తాం. సంతోషం మ్యాగజైన్‌ మొదలెట్టినప్పుడు నాకు ఇంకా చిన్న వయసు నాగార్జున, చిరంజీవి, బాలకష్ణ లాంటి అగ్ర తారలు ఇచ్చిన ప్రోత్సాహంతో అవార్డ్స్‌ మొదలుపెట్టాను నాగార్జున ‘సంతోషం’ సురేష్‌ కొండేటి కూడా ఫిలింఫేర్‌ స్థాయిలో అవార్డ్స్‌ నిర్వహించగలడు అని ఆయన నా పై ఉంచిన నమ్మకాన్ని నేను నిలబెట్టుకోవాలనుకున్నాను అలాగే చిరంజీవి, బాలకష్ణ లాంటి అగ్ర హీరోలు సురేష్‌ కొండేటి చేయగలడు అని నా పై ఉంచిన నమ్మకాన్ని నిలబెట్టుకుంటూ ఇన్నాళ్లూ సంతోషం ఫిలిం అవార్డ్స్‌ ఎక్కడ ఆగకుండా నిర్వహించాను, నిర్వహిస్తున్నాను. అలాగే గోవా గవర్నమెంట్‌ నుంచి మంచి సహకారం అందింది ముందుగా ఈ నెల 18న అనుకున్నాం కానీ గోవాలో టోర్నమెంట్‌ ఉండటం వల్ల డిసెంబర్‌ 2కి పెట్టుకోమని మాకు లెటర్‌ పంపారు. ఈ సందర్భంగా గోవా ప్రభుత్వానికి కృతజ్ఞతలు తెలియజేస్తున్నాను’ అని అన్నారు.
