అంజలి నటించిన ‘గీతాంజలి’ ట్రెండ్‌సెట్టర్‌గా నిలిచిన సంగతి తెలిసిందే. ప్రస్తుతం ”గీతాంజలి మళ్లీ వచ్చింది” చిత్రం మీద అందరి దష్టి పడింది.
ఈ చిత్రాన్ని శివ తుర్లపాటి దర్శకత్వంలో ఎంవివి సినిమాస్‌తో కలిసి కోన ఫిల్మ్స్‌ కార్పొరేషన్‌పై కోన వెంకట్‌ నిర్మించారు. అంజలికి ఇది 50వ చిత్రం. హర్రర్‌ కామెడీ జోనర్‌లో భారీ బడ్జెట్‌తో రూపొందిన ఈ చిత్రాన్ని ఈనెల 11న విడుదల చేస్తున్నారు. ఈ సందర్భంగా అంజలి మీడియాతో మాట్లాడుతూ
గీతాంజలి సినిమాను తెరకెక్కించింది డెబ్యూ డైరెక్టర్‌. అలాగే ఇప్పుడు సీక్వెల్‌ను కూడా తెరకెక్కిస్తుంది డెబ్యూ డైరెక్టర్‌. ఈ సినిమా విషయానికి వస్తే డైరెక్టర్‌ శివ తుర్లపాటి కొరియోగ్రాఫర్‌. దీంతో ఆయనకు షాట్‌ డివిజన్‌ మీద అవగాహన ఉంది. కాబట్టి డైరెక్షన్‌ చేయటం కష్టం కాదు. అయితే ఛాలెంజింగ్‌ సీక్వెల్‌ కాబట్టి ఆయన తన 100 పర్సెంట్‌ ఇచ్చారని నమ్ముతున్నాను.
ఇప్పటి వరకు నేను చేయనటువంటి పాత్రలను, ఢిఫరెంట్‌ మూవీస్‌ చేస్తూ వస్తున్నాను. క్లైమాక్స్‌లో యాక్షన్‌ కూడా చేశాను. రొటీన్‌గా చేస్తే నటిగా నాకు కూడా ఆసక్తి ఉండదు. కాబట్టి వీలైనంత కొత్తగా ఉండాలనే చూస్తాను. శ్రీనివాస్‌ రెడ్డి, సత్యం రాజేష్‌ సహా అందరికీ ఓ కామెడీ టైమింగ్‌ ఉంది. సునీల్‌తో కలిసి నేను చేస్తున్న సినిమా ఇది. వింటేజ్‌ సునీల్‌ని చూడొచ్చు. సత్య కూడా అంతే. అందరూ కలిసి ప్రేక్షకులను నవ్వించే ప్రయత్నం చేశాం.
గీతాంజలి సినిమాలో తగినంత హర్రర్‌, తగినంత కామెడీ ఉంటుంది. అందుకనే ఆ సినిమా రిలీజ్‌ కాగానే ఆడియెన్స్‌ దాన్ని చక్కగా రిసీవ్‌ చేసుకున్నారు. ఇప్పుడు గీతాంజలి మళ్ళీ వచ్చింది సినిమా విషయానికి వస్తే, మూవీ ఫ్లేవర్‌ మార్చలేం. సాంకేతికంగా కొత్తగా ఉంటుంది. హర్రర్‌ కామెడీని బ్యాలెన్స్‌ చేస్తూ తెరకెక్కించాం.
నాకు ఉగాది పండుగ అంటే చాలా ఇష్టం. ఈ ఉగాదికి ఈ సినిమాతో ప్రేక్షకుల ముందుకు వస్తున్నాను. పైగా ఇది నా 50వ సినిమా కావటం హ్యాపీగా ఉంది. దీన్ని అందరూ గుర్తు చేస్తుంటే ఓ బాధ్యతగా అనిపిస్తోంది.
ఈ జర్నీని బాగా ఎంజారు చేస్తున్నాను.
